كانت خطة بنان تتمثل في ان يصبح احمد احد رجال الأعمال فلا أبيها و ايمن يعرفونه من الأساس ف ان قدم استقالته و ترأس احد المجموعات او تشارك مع بعض المستثمرين الاجانب في شركة ما سيتعرفون عليه كرجل أعمال لم يكن الأمر باليسر ولكن ليس عسيرًا أيضا فحساب بنان منذ عملت في شركات أبيها يحوي بضع ملايين من الدولارات لا يعلم منصور الوزير عنهم شئ وقد أتت فرصتها لتبني إمبراطورية خاصة بها ليست له وستكون هي المالكه واحمد المفوض بالإدارة فلم يكن عليها آلا إصطياد احد رجال الاعمال المتعثرين لمشاركته او شراء مجموعته او البحث عن مستثمر تتناصف معه تأسيس شركة جديده يقودها احمد فيسهل عليها إرتباطهم
نظر احمد لبنان فلم يكن يتوقع أن تضحي بأموالها من أجل بناءه هو ورغم كونه في بدأ الامر احبها حقًا إلا انه حينما أصبح للمال مجالًا فالأمر لمعت عيناه طمعا لا حبا .
بنان بجدية شديدة : كل المطلوب منك تستقيل وتقطع علاقتك بكل اللي فالشركة ومتظهرش إلا وأنت أحمد بيه
أحمد بتردد بين الجاد والمصطنع : بس ازاي اقبل اللي انتي بتقوليه ده ياعني حتى لو الناس متعرفش انه دي فلوسك بيني وبين نفسي عارف هقبلها ازاي على نفسي
بنان وهي تحاول اقناعه : وايه المشكله انت شريك بالمجهود وبنسبة وانا صاحبة المال والنسبة الاكبر بس انت اللي هتدير كل حاجه مين غيرك ممكن أأمن علي فلوسي معاه إذا كنت مأمناك على قلبي ونفسي
احمدوهو ينظرها ويفكر بالأمر بجدية وعمق فما تحكيه قد يكون اكبر منه فهو لم يحسب حساب لهذا الامر مسبقًا : سيبيني افكر
بنان وهي تضم شفتيها بضيق : يبقي مابتحبنيش
احمد وهو يناظرها بسغف حقيقي : ازاي انا عمري ما حبيت حد زي ما حبيتك انتي كل دنيتي
بنان وهي تمسك يده لإقناعه : يبقي عشان خاطري اسمع الكلام
احمد بأبتسامة نصر : خاطرك اغلي حاجه عندي بحبك اوي
بنان بإبتسامة ناتجة عن فرحة حقيقية: وانا كمان
**********
كانت بيسان سعيده بخبر انفصال ليل عن عمران ولكن يبقي امر قلبه فهو يحبها تتمنى أن تمحى ليل من داخله لعله يراها.
الام بنظرة ثاقبه : وشك نور من ساعة ماعرفتي الخبر
بيسان بصدمه : الله يا امي ياعني قصدك شمتانه فيهم انتي شيفاني وحشه كده
الام وهي تحرك راسها نافيه : لاء خايفه من الأمل اللي اتجدد جواكي رغم اني لو مكانك مفكرش في عمران واصل
بيسان وهي ترفع نظرها لأمها : ليه بس
الام بتنهيد : الجواز مش شخص واحد يابتي الجواز عيله ياعني لو جوزك حلو وعيلته وحشه ماهتعشيش مرتاحه وعمران امه ماهترتحيش معاها ابدًا وزي ما خربت عليه مع ليل هتخرب عليه مع غيرها الحما الزينه مهمه زيها زي الزوج عمران تربيتي مايتعيبش بس امه هتسقيكي المرار
بيسان بأمل : ما يمكن عشان ليل كانت من القاهرة ومش واخده على طبعنا
الام بحده بسيطه وهي تمسد علي ظهر ابنتها : متبرريش مهتبقيش عندها اغلي من بت اخوها مهما حُصل واهي اللي من دمها مابقيتش عليها هتبقي عليكي انتي يابت سلفتها
أنت تقرأ
بنت ليل "قيد التعديل"
Romanceظلم بين وقع عليها لا لشئ إلا كونها إبنة ليل فهل يرفع الظلم ام يستمر انه الظلم الذي يغلف القلوب برداء من الحزن
