بنت ليل "قيد التعديل"

part 29

انه الوقت فان كان سعيدا لن يدوم وان كان حزين كذلك مرت ساعات الجراحه علي الرغم من طولها وانتقلت ليل إلي احد غرف الرعاية حاول ايمن جاهدا رؤيتها ولكن وجدت الطبيب يخبرهم انه امر مستحيل بل قد يدوم لفترة طويله فالمريضه بحاجة للعزل حتي تنجح الجراحه ويتقبل جسدها الرئة المزروعه
كان خروجها من الجراحة حية من الاساس قد اسقط من علي كاهلهم نصف الالم وحيث انه كان لا مغزي من وجود شمس بالمشفي قرر ابيها ان يبتاع لها احد الفيلات لتقطن بها ريثما تشفي ليل و تستقر معها ولصعوية امر ان تعيش وحيدة طلب من ورد الاقامة معها ورغم محاولات الهام المسميته ان تشاركهم السكن الا ان محمد رفض ذلك بشدة انتهي الامر في ساعات قلائل وعاد إلي منزله ليجده خاو رفع هاتفه ليتصل بريناد فلم تجيبه تذكر انها قد راسلته ولكن لم يتسني له قرائة الرسالة فصعق برؤية صورته مع ليل ادرك وقتها انه مؤكدا قد تركت المنزل ورغم انه كان منهكا بشدة الا انه استقل سيارته وذهب إلي حيث هي في فيلا والد ريناد ليجد والدتها في استقباله كأنها كانت تعلم انه سيأتي
ايمن : مستنياني صح
الحماه : ما انت اكيد هتيجي وتبررلنا الصورة دي
لترفع صورته وليل في مواجهته
ايمن : فين ريناد الوحيدة اللي ليها حق السؤال ده
ليجدها قادمة من اعلي وانا مكنليش حق قبل كده اني اعرف انه جوزي كان متجوز واني الزوجة التانيه
ايمن : ريناد انا والله تعبان بعد اذنك تعالي نرجع بيتنا وهحكيلك كل حاجه
ريناد : مبقاش في حاجه اسمها بيتنا الموضوع ده انتهي تماما
ايمن : انتي فاهمه كل حاجه غلط اديني فرصه اشرحلك
ريناد: مش عاوزة افهم عاوزة اطلق
الحماه : ادينا فرصه نسمع مبرراته
ايمن : حقيقي انا مخبيتش قاصد انا بس مكنتش عاوز افتح الصفحة دي من كتر ما كانت وجعاني كنت بحاول اتعايش كأنها لم تكن مكنتش اعرف انها هترجع من الموت
ريناد : ياعني ايه ترجع من الموت
ايمن : ياعني حاولو يق**تلوها وكدبو عليا الو انها ماتت مكنتش اعرف انها هربت واخدت بنتي معاها صدقت انها ماتت وبقيت جرح في قلبي كل ما يضغط عليه ينزف من جديد لما ظهرتي انتي خلتيني اقدر اقف علي رجلي من تاني واني اقدر احبك خفت اقولك ابقي عامل زي اللي بيقلب فاللي فات فيخسر اللي جاي مكنتش قادر اجيب سيرتها مش مخبي قاصد مكنتش عاوز افتكر
كان يبكي وهو يتحدث لكن ما فجائهم حقا انه سقط مغشيا عليه
*********
منصور : ياعني ايه بنتي حاولت تنتحر واحده زي بنان ممكن تنتحر ليه
الحرس : يا باشا احنا كنا وقفين كلنا تحت فجاءة شمعنا الدبه لاقيناها راميه نفسها ومكنش معاها مخلوق فوق عشان يبقي هو اللي رماها
مالها بنان ايه اللي حصل قالها احمد وهو قادم مسرعا
منصور بعصبيه : المتخلفين دول بيقولو حاولت تنتحر
احمد باستنكار : بنان تنتحر ازاي دي هتموت علي الدنيا اكيد في حاجه غلط
منصور : هو الدكتور الزفت ده مش يخرج يطمنا البنت حالتها ايه
احمد : اهدي يا باشا اكيد بخير
ليخرج الطبيب فيسرع إليه منصور طمني
الطبيب بأسف : هو الحاله مش صعبه بس للاسف هنحتاج نحضرها للجراحه لان في كسر مضاعف فالفخذ وده هيحتاج شرايح ومسامير وفي اصابة جت فالمخ عمله بؤرة دمويه ممكن تحتاج تدخل جراحي بس هنقرر ده الايام اللي جايه
منصور : طب قوم باللازم يا دكتور بنتي لازم تبقي في احسن حال ولو محتاجه تسافر حالا يبقي في طيارة مجهزة تنقلها
الطبيب : صدقني يامنصور باشا هنا زي هناك والحاله مستقرة مش صعبه هي بس هتاخد فترة طويله ممنوعه من الحركه
احمد : هتعمل العمليه امتي
الطبيب : خلال ساعه بعد اذنكم
وانصرف الطبيب
********
عبير تتجاول في تلك الشقه التي وفرها لها هشام بطلب من ايمن وهي تكاد تموت فرحا فهي ستصبح من قاطني الأحياء الراقيه وابنائها سيعيشون في راحه بعدما وفر هشام لزوجها عمل كفرد امن لدي مجموعة الوزير براتب لم تكن تحلم بثمنه حتي
وكان الاطفال يركضون ويصرخون بلا توقف حتي انهم كانو مصدر ازعاج قوي لجميع الجيران اما زوجها لم يبدو عليه السعادة فرغم سعادته بالمال الا ان الشيطان تمالك منه ليلعب برأسه لما سيوفر رجل مثل ايمن الوزير سكن مثل ذلك لم يفكر انه رد جميل ابدا بل جالت في عقلة الظنون ان تكون عبير قد اعجبته او مبكته من نفسها حتي انه صرخ غاضبا بلا مبرر: اسكت منك ليها وجعتو دماغي وانتي يا ست زفته احنا هنا ليه
عبير : ياعني ايه احنا هنا ليه ما انا قولت لك ياراجل ايمن بيه الله يكرمه صعب عليه حالنا وبيردلي جميل اني وصلته لبنته ومراته
الزوج : وانا هيخيل عليا الكلام الاهبل ده بردو طب صدقتها فالفلوس لكن ايه اللي يخلي راجل يدفع ويجب شقه زي دي لوحده ست الا لو عجباه
عبير : لا انت اتجننت ادخلو يا عيال جوا شوفو كل واح. هيختار انهي اوضه
ليقترب منها زوجها ويلوي زراعها : انتي بتسيبني وتمشي يا ينت *********
عبير : اه سيبني انت اتجننت ولا ايه في ايه مالك يا راجل بدل ما تفرح باللي باقينا فيه مستكتر علينا الفرحة واننا نعيش في حته نضيفه وناكل اكبه نضيفه ونلبسه هدمه حلوة
الزوج : قسما عظما ياعبير لو طلع اللي في بالي صح ما هيكفيني اد**ب&*حك واشرب من د**مك
عبير : انت خلاص عقلك فوت سيبني اروح للعيال متبوظش فرحتهم افرح ده انت الفرح يشوفك يهرب يا شيخ
*********
شمس : هو ليه خالي محمد مجاش يعيش معانا دي خالتي الهام  يا حرام طيبه جدا وكان نفسها تفضل معانا
ورد كادت تختنق من شدة الضحك  :  الهام غلبانه اسكتي اسكتي انتي ما تعرفيس حاجه جوزها عارفه وعارف انها هتيجي هنا تسيطر وتحتل البيت وتعمل فيها هانم فخدها من قاصيرها وقال لا وبعدين احنا صعايدة يا ليل ان مكانش بيتنا من حر مالنا منقدرش نعيش فيه
شمس : ايه ده بجد احنا من الصعيد
ورد : اه تخيلي
شمس : بس مش لابسين جلابيات ودهب كتير وبتتكبمو كلام غريب زي بتوع المسلسلات
ورد : والله احنا نفسنا كصعايدة عاوزين نعرف مين الصعايدة  اللي بيجيبوهم فالمسلسلات دول عشان مش عندنا
شمس : طب انا عاوزة اسافر الصعيد
ورد : بس كده انتي تؤمري امر بس والله الواحد ما عارف بوديكي لفين من بعد ما امي ماتت واتقطعت علاقتنا بكل البلد واللي فيها وخصوصا انه من وقت ما ليل اتجوزت ابوكي عمتي قومت علينا الكل
شمس ازاي
ورد : لما ابوكي خطب امك ورجالة العيلة جم اتضح انهم كانو مخبين هلي عمتي
فلااااااش باك
العمه : اه يا مرك ومرارك تتجوز قبل والدك عشان نجهر جلبة بنت صفاء اكيد ده تخطيط ها ووصاتكم تدسو عن اختكم خبر زي ده
العم : احنا اللي جولنا بلاش تعرفي لا تزعلي وتتنكدي واللي حسبناه لاجيناه اهو اديكي جايدة نار من وجت ما سمعتي
العمه : انا جايدة نار عشان والدي اللي ضحو بيه ومالحقتش تحزن عليه وجريت اتحوزت راجل غيرة ابني اللي هيتجهر انا يعرف ان اللي عشجها مافراج معاها ومع اول فرصه جريت هي كانت هتلاجي ضافر والدي ده فين  عمر اللي معاها ما هيجي حاجه في عمران
زوجة العم تحاول كيدها : واه ما هيجيش حاجة في عمران مين ده عمران اللي ما هيجيش حاجة فيه ده بيه كبير جاوي وابوه من الناس اللي بيطلعو فالتلفزيون ابصر ابوه اسمه ايه حاجه كبيرة جاوي كده اسكه كان علي طرف لساني
العم : منصور الوزير رجل الاعمال المعروف
العمه وكادت تجن : ووجعت عليه ازاي بنت المجندله دي دي شبه جعر الحلة ده انا كنت مستكترة ابني عليها اكيد ليهم فالسحر زي ما انا قولت
العم : يا شيخة اتجي الله
العمه : عظيم بيامين لو ما قطعتهم وزعلت علي زعل اختك الكبيرة ما انت اخوي ولا اعرفك لا بنكم ود ولا معرفه ولا ليهم ورث عندنا
زوجة العم : ورث ايه اللي هيدورو عليه انتي لو شوفتي القصر اللي شوفناه واللي بنت اخوكي اتحوزت فيه هتعرفي انه مش هتبص علي البلد بتاعتنا من باباها مش بيت وكام فدان
العم : اسكتي انتي وكانو عمالولي ايه عشان اجطعهم دول ولاد اخونا بردك
العمه بغضب : انا جولت اللي عندي يا تختارني انا يا هما وتنسي كل مصالحك مع جوزي
العم : اللي تشوفيه ياختي الله يهديكي