بنت ليل "قيد التعديل"

part 33

انها الايام تمر بسعدها ومرها فلهذا يستمر ولا ذاك يدوم
ولكن كان منصور يتسأل استمر تلك الكبوه كما مر غيرة ام لا خاصه بعدما تواجه مع زوجة ابنه بسؤالها عما اذا كان لوزوجها زوجات غيرها ام لا
منصور : متجوز ايه وزفت ايه احنا في ايه ولا في ايه المفروض جوزك هيسافر يتعالج برة والمفروض تبقي معاه بدل ما تجهزي نفسك للسفر جاية تستجوبيني
ريناد : بعد اذنك يا اونكل جاوبني ايمن كان متجوز وعنده بنت قبل ما يتجوزني
منصور : لا انتي اكيد اتجننتي بجد جبتي الكلام الفارغ ده منين
ريناد : ماهو مستحيل ما تبقاش عارف الصورة دي بتقول انك لازم تبقي عارف لانه الفرح كان في الفيلا بتاعتكم
كانت صورة ليل وايمن كافيه ليخبرها كل الأمر
ريناد : ياعني ايه افتكرتوها انتحرت وطلعت عايشه اختفت ليه وظهرت في ايه
منصور : معرفش حاجه صدقيني معرفش انا كل اللي اعرفه انه باكينام بعد ما اتنقلت للحياه معاهم اتصلت بيا في وهي بتصرخ
فلاااااش باك
باكينام : شايف اخرة استهتارك واستسهالك ايه اللعبه اللي قولتو سويه وهيزهق منها ويرميها حامل لو البنت دي كملت الحمل ده ومنزلتش اللي في بطناها هنتفضح فالوسط كله
منصور : اهدي يا باكينام ولا هنتفضح ولا حاجه انا شايف انه ابنك حاله اتبظ من يوم ما اتجوزها وانتظم فالشغل وبطل السهر والشرب احنا ممكن نسفرة كام شهر ويرجع بيها يقول اتقابلو بره وحبو بعض واتجوزو وانها عايشه طول عمرها بره وقتها لا حد هيسال مين ولا بنت مين
باكينام : واضح انك اتجننت انت عاوز الصعلوقه دي تبقي شئ اساسي في حياتنا مستحيل مش هسمح بالجنان ده ابدا اقفل اقفل انا هتصرف
*****
انهت بنان امر فستانها و كل ما يخص الزفاف وعادت إلي المنزل تدندن فهي سعيدة فقط ايام وترتبط باحمد الذي احيا قلبها بعدما شبت فيه النيران عاملها كفراشه رقيقه كملة متوجة علي عرش قلبه وكانت قد نست او تناست عمدا امر ايمن وليل حتي لا تعكر صفو ايامها القادمه
لتجد باكينام تنتظرها في بهو الفيلا
باكينام : اخيرا جيتي يا بنان سيباني علي اعصابي من الصبح مش عارفه اتصرف
بنان : انطي بليز اهدي قولتلك هتصرف بس بعد فرحي مش هنكد علي نفسي الايام دي وعد وعد انه ايمن نفسه هيموتها بايده هي والي في بطنها وقولتلك هعمل ايه الصبر بقي لحد ما فرحي يخلص عشان ما تبوظش فرحتي
باكينام : لسه هستني فرحك
بنان بثبات : انطي انا لو بعمل حاجه واسعدك فده عشان اسم الوزير مايتبهدلش مع ناس لوكال زي مرات ابنك مش عشانه او عشانك فاكيد فرحي اهم اه الله يبارك فيكي
وانصرفت لغرفتها تاركة بكينام تحترق
*******
فلاش باك
ريناد : ياعني انطي بكينام وبنان السبب في هروبها
منصور : معرفش ومعرفش ايه اصلا اللي كانو بيخططوله وقتها الحقيقه اني مهتمتش من الاساس وللاسف دفعت التمن لعدم اهتمامي ده بس اكيد اكيد ليهم يد في هروبها
ريناد : عشان كده انطي باكي كانت طول الوقت بتبعد بنان عني
منصور : مش وقته هتسافري مع ايمن ولا لاء
ريناد : مش عارفه ومش قادرة مش قادرة اتعاطف معاه علي انه ضحيه لانه اذاني ومش قادرة اتخلي عنه لانه ابو بنتي
منصور : انا رايح للمطار الطايرة هتقوم بعد ساعه لو هتيجي عرفيني
وانصرف تاركا ايها لا تدري ماذا تفعل فهي حقا تحب ايمن ولكن مازال جرحه حديث ينزف بلا توقف حتي اتخذت قرارها بالوقوف إلي جوارة حتي يستعيد صحته ومن ثم تنفصل فقد عادت محبوبته علي كل حال
******
مرت الاسابيع لم يتغير وضع ايمن ولم يعلم الاطباء فالخارج سبب غيبوبته كما الحال في مصر تماما اما ليل فقد تماثلت الشفاء وخرجت من عزلها وكان هشام متكفل بالأمر نايبة عن ايمن فهو من يراعي شمس ويهتم بامر ليل وها هو ينهي اجراءات خروجها من المشفي لتعود إلي تلك الفيلا التي استراها ايمن خصيصا بأسم ليل حتي لا يستطيع اي ما كان بنفوذة اخراجه منها
بعدما وصلت ليل إلي الفيلا
هشام : تأمروني بحاجه تانيه
ليل : هو انت ليه بتساعدنا ذكرياتي عنك مكنتش كده فين هشام اللي بيكرهني وبيتأفف لما يشوفني
هشام كنت فاكرك بتخونيه بجد وعاوزة تسرقي فلوسه
ليل : ياااااه حتي انت
هشام : اسف علي كل حاجه وحشه اتثببتلك فيها بس اتخدعت للاسف
ليل : كفاية انك سبب اني هنا دلوقتي ورجعت اقف تاني علي رجلي بعد ما طالت رقدتي المهم شمس عاوزاك تساعدني لانه اكيد اهلها هيحربوني مش هيسمحولي اطلع من الماضي وابوظ مخطاطتهم وانا اصلا نش عاوزة ابوظ حاجه انا عاوزة افضل انا وبنتي في حالي بعيد عنهم بس مبقاش ينفع اخد شمس ونرجع مكان ما كنا وماينفعش نعيش هنا وتدخل مدارس ويبقي ليها صحاب ومايعىفوش انها بنت ايمن الوزير
هشام : شهادة ميلاد شمس باسم ايمن بيه ومعانا تحليل Dna و قسيمة جواز حضرتك وبالتالي محدش يقدر يقول انه شمس مش بنته طالما لم ينكر هو الامر
فاللي بتعمله بكينام هانم ده حلاوة روح مش اكتر وهينزل علي الارض
ليل : ليه باكينام عملت ايه
هشام : هي ورد هانم محكتلكيش باكينام هانم رافعه عليكي قضية تزوير وانكار نسب استغلالا لوضع ايمن بيه وانه مش هنا متعرفش انه معانا تحليل يثبت البنوه
ليل : ياه في سنها ده وعندها طاقه تعمل كده طب كانت بتكرهني ازاي تكره حفيدتها كده
هشام : سيبيها تعمل اللي هي عايزاه لانها بتعمل لمصلحتكم
ليل : ازاي
هشام : لانه انتو كنتو هتفضلو منتظرين ايمن بيه لما يفوق والدنيا تتحل بالود  لكن هي هتعمل شوشرة بالقضيه دي وبكرة الصحافه تكتب والدنيا كلها تعرف ووقتها لما نطلع اورقنا وتخسر الناس كلها هتعرف انه شمس بنت ايمن الوزير
ليل : تفتكر كده
هشام : افتكر جدا
*******
اسر : مامي هو بجد انتي وبابي خلاص انفصلتو
بنان : عندك اعتراض
اسر : نو هو مش فارق لا وجودك ولا وجوده بس مستغرب ياعني
بنان : ياعني ايه مش فارق وجودنا
اسر : هو انتو كنتو موجدين اصلا تؤتؤ تؤ مكنتش اعرف يمكن اه بابي كان موجود بيدور علينا ييسال عننا مش كتير بس موجود اما حضرتك فحقيقي عمرك ما كنتي موجوده
بنان : ولد
اسر : سوري مامي اني دايفتك عموما سلامتك
بنان : هي اختك فين مش المفروض تطمن عليا
اسر : مش عارف ممكن تكون مهتمه اصلا او يمكن تكون معرفتش اساسا  انا بردو عرفت صدفه ياعني عموما انا مضطر امشي ورايا حاجات كتير see you baby
وخرج دون ان يمهلها اي رد حتي انها بكت بحرقه فهي وحيدة حتي مع ابنائها لم يختم اي منهم بما حدث لها ولكن هل كانت هي قريبة منهم من الاساس فهما اطفال فاسر مازال في الثالثة عشر من عمرة وميره مازالت فالحادية عشر كان من المفترض ان تحتويهم هي ولكن لم يكن لديها ذلك الوقت الكافي فحياتها كانت للعمل فقط حتي انها لم تنتبه قط انها زوجة وام فظلت بعيدة بل وجعلت ابنائها يتجرعون كأس الوحده كما تجرعته في صغرها تماما