ɴᴏᴠᴇʟထဲရောက်လာတယ် [ongoing]

" 17 "

[unicode]

မီးပုံးလွှတ်ပြီးသည့်အခါ ညအမှောင်မှာ အပြည့်အဝစိုးမိုးသွားပြီး ပွဲတော်ရှိရာနေရာနှင့် ကွက်ကြားကွက်ကြားရှိနေသည့်ဈေးဆိုင်တွေမှလွဲ၍ ပတ်ဝန်းကျင်က အမှောင်ထုတွေစိုးမိုးနေ၏။ လ,ကကွယ်နေပြီးဖြစ်ကာ မကြာခင်ကျရောက်လာတော့မည့် အတိတ်နိမိတ်ဆိုးအချိန်ကို အသိပေးနေသလား အောက်မေ့ရသည်။

khaotungသည် စိတ်လိုလက်ရဖြင့် ဈေးဆိုင်အားလုံးနီးပါးကို ဝယ်ယူအားပေးခဲ့ကာ စားနိုင်သည်ကိုစားပြီး မစားနိုင်သည်များကို လက်မှာကိုင်ဆွဲထားကာ သူ၏လက်နှစ်ဖက်သည် အားလပ်နေခြင်းအလျင်းမရှိပါပေ။

ထိုအချိန် ဘေးကလူအများ ပြေးလွှားသွားနေကြတာကိုတွေ့လိုက်ရပြီး သူလှည့်ကြည့်လိုက်သည့်အခါ လမ်းကြားတစ်ခုထဲသို့ ဦးတည်သွားကြတာကိုတွေ့လိုက်ရသည်။ ပုံမှန်ဆို အိမ်ပြန်သွားသည်ဟုထင်မိပေမယ့် ထိုလူများသည် လမ်းကြားထဲသို့မရောက်သွားပဲ အရှေ့မှာတစ်ခုခုရှိနေသည့်အလား လမ်းဝတွင်သာရပ်ကြည့်နေကြသည်။ အတိအကျပြောရမည်ဆိုလျှင် တစ်ခုခုကိုစောင့်နေကြတာနှင့် အလားသဏ္ဍာန်တူပေသည်။

အားတုက သူစိတ်ဝင်စားနေတာကို သတိထားမိသွားပြီး အရှေ့ကိုပြေးသွားကာ သွားစုံစမ်းလေသည်။ သူပြန်ရောက်လာသည့်အခါ စိတ်လှုပ်ရှားဟန်ဖြင့် သူ့အားပြောပြလာ၏။

"သူတို့ပြောကြတာတော့.. တခြားအရပ်ဒေသကလာတဲ့ မှော်ဆရာမရဲ့တဲ,တဲ့၊ သူ(မ)က ရှေးဖြစ်ဟောကြားတာ အတော်မှန်တယ်ပြောတယ်.. အဲ့တာကြောင့် လူတွေကစိတ်ဝင်တစားစောင့်နေကြတာ၊ တဲထဲကထွက်လာတဲ့လူတိုင်းကလည်း တကယ်မှန်တယ်ပြောကြတယ်..ဟ..ဟ.. လူတွေကတော့ ဒီလိုပါပဲ ဒီလိုစိတ်ဝင်စားအောင်ဟောပြနိုင်ရင် မှန်သည်ဖြစ်စေမှားသည်ဖြစ်စေ ပျော်ရွှင်ကြမှာပဲလေ။ ဒါနဲ့ မင်းသားက သွားစမ်းချင်လို့လား"

khaotungအနည်းငယ်တွေးဆလိုက်ပြီး အားတုကိုပြုံးပြကာ ပြောလိုက်သည်။

"ထားပါတော့..ဒီနေ့ကလူအရမ်းများနေတယ်၊ ပွဲတော်က ၅ရက်တောင်ရှိတာပဲဟာ၊ နောက်တစ်ခေါက်မှ လာတော့မယ်။ သွားရအောင်လေ...."