أدمنت عشقاً قاتلا ً لم يرحم ِ
وجعلته ُ مثل السوار ِ لمعصمي
أسقيته دمعٙ العيون فعافه ُ
رغم النقاء وراحٙ يشرب من دمي
أسكنته ُ قلبي فأشعل ٙ في الجوى
نارا ً لظاها من سعير ِ جهنّم ِ
وإذا تهيّأ للرحيل جٙلٙبْته ُ
بالقلب واليد واللواحظ والفم ِ
و رجوته أن لا يغادر أعيني
فرحيلهُ موت يُضافُ لمأتمي
هذي فنونُ العاشقين ترى بهم
أن الضحية أُغرمتْ بالمجرم ِ...!!
بقلمي شذرة العدوان
عذباء :اجه عثمان بساع ورحنه مشي والطريق كله عمر يرزل بأميره عبن صاحت ولطمت
عمر : اثاري لوما اني هين جان طلعتي بالعرب تصيحين وتهلسين براسج يولي شنذكر بيها شكيحان نسيتي شسوت بينه
عثمان : البنيه بجت حسب عاطفتها لا تكبر السالفه عاد
عمر :لا عاطفتها ولا صخامها
الي يشوف لطمها يگول شكحه جانت توكلنه الدبس براحة ايدها
يولي مو جانت كل ما تشوفج واگفه يمي تروح تنحش نضال ويتحاوشنج الا افكج انييي
اميره : هاذ صار ماضي وانتهى هسع جده ماتت
عمر : اسمع تگول ماضي اني اگول تنلصمين اخير ما اگضي بيج التوبه هسع
عثمان :لا حول ولا قوة الا بالله
ول يابه كافي احنه بالشارع الله يصلحكم
عمر : خير ان شاء الله هاي راح اعبرها اميره خانم وذا اسمع بيج مصيحه انوب لو لاطمه وذا اشوف شخط واحد بوجهج اقسم بالله اعلگج بالجنگال فتهمتي لو لا والحجي هم موجه لج عذباء صار معلوم يابه
عذباء :وصلنه البيت جانو عمامي گاعدين بره يبجون
راحو يمهم الولد عزوهم واخذو كراكه وراحو تا يحفرون الگبر
طبينه جوه لگينه بس عماتي رافده وكريمه يبجن والنسوان تهجد بيهن وجده شكحه جاي يغسلون بيها
گعدت اميره وره النسوان وتبجي
اميره : عذباء امانه لا تگولين لعمر اني بجيت وصيحت مو حبابه
عذباء :اني بس اشوف احد يبجي گدامي هم اگابله واگهد ملخت نفسي بالبجي لحالي
سمعت النسوان يسولفن ورانه
ـ، خيه اني سمعت طوارف حجي من مرت سعد
گالو العجوز شكحه داعيه على ولد ابنها صائب وغاصه ظاله تشاخط الا طالعه روحها
ـ، يهالعثره وعش داعيه عليهم فوگ ضيمهم
ـ، مو هاذ عمر ماخذ مفاتيح المحلات من عمه سعد ومخلي اخو عثمان بيهن ودرت بي اليوم
وگايمه تدعي عليهم عاد غاصه وميته
أنت تقرأ
انا العذباء
Actionقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
