ماتَ الهوى فتعالَ نقسِمُ إرثَهُ
بيني وبينكَ والدموعُ شهود
خُذ أنتَ مني ذكرياتكَ كلها
وأنا سأحملُ خيبتي وأعودُ
بـقلـــــــمي شـــذره
عذباء :مشيت مسافه واني اتلفت عالزلمه
امدد بالگاع ما يتحرك جنزه وادي تجنز
نشف دمي بس لا مات يربي دخيلك تسترته
صد عليه وادي شافني ادحگ
_وگف عاگد حواجبه ومزير عيونه عليه
عساف :عليش عاوجه ارگبتج وادحجين
عذباء :جاوبته بخوف
: الزلمه ما يتحرك اخاف مات
عساف :وذا مات شعليج بي
عذباء :شلون شعليه
يعني مكيف بنفسك
تجرم بروح بشر و تبتلي
_كمش ايدي رصها وگز اسنونه
عساف :مزالج خايفه عليه لا ابتلي
عجل عليش ما نبهتيني على هالفاين
من يدحجلج ويغمز
ها انطقييي عليش ما سولفتي
لو طابتلج السالفه
عذباء :تبسمرت ادحگله وخايفه
جان وار بنار الگاع مو حاويته
جرني من ايدي ويمشي سريع
الجنطه على جتفه ويعتعت بيه
التفتت ادحگ عالزلمه
شهگت من شفته تحرك همزين يربي،
صديت على وادي عبالك يركض مو يمشي
: يمعود على كيفك راح اگع
_ما صد عليه مشينه مسافه بعيده
تعبت وايدي وجعتني راصها حيل
: هسع وين نروح
_جاوبني بدون ما يصد
عساف :على گبرج
عذباء :شهگت ابجي واجر بأيدي
يعني راح ترجعني عالبيت
تحط اللوم عليه
وتلگاهه حجه تعذبني مو
التفتت يدحگلي
عيونه الا مدمعه من اعصابه
عساف :لا يابه عليش الومج
شمسويه انتي بس خليتي سايق نجس
يتمره بوجهج
عذباء :دحگتله وفكيت اثمي
قصدك اني سمحتله
ومكيفه بي يدحگلي
_گرب عليه ويرعد بوجهي
عساف :عجل شتسمين نفسج
من كرصتي على تصرفاته وهو يدحجلج
ويغمز ولا جن رجلج گبالج
انطقي شتسمينهااااا
عذباء :بلعت ريگي امتمت وادحگله خطف
مگدر اجابس نظراته الخوف ذبحني
: مو شفتني من گحزت ليغاد عن المراة
واني والله سكتت ما حجيتلك
من اعصابك هاي
ادري بيك راح تصگط الزلمه
عساف :عجل شمحتريه اسوييي
اصفگله لو انطي رقمج
عذباء :گالها ولگح الجنطه
جان يفور من اعصابه
يصفگ بأدينه ويحجي
عساف :يول هاي تاليتي واجف بنص
الطريق بدون سياره عگب ما جنت
افوت عالمعرض احير اي سياره اصعد
وما جنت الحگ اعد افلوسي
من كثرها والله ما الحگ اعدهاااا
عذباء :وگف يجر حسرات ويهز براسه
عساف :اي والله صفيت بطرگ رجليه
عگب ما جنت اصعد سيارات اخر موديل
هسع أجر تكسيات الي بحياتي ما صاعدها
ويطلعلي سايق خنزير يدحج على عرضي
أنت تقرأ
انا العذباء
Actionقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
