انا العذباء

الفصل 40

ليال: :عيوني متانياتك گآع ، يالطولي وي طولك ضاع ردتك لـو ثگل حملي ضهر ومتـون

وماشيت اليالي بطيف
مشي امرهدنة اعلة الكيف ، يفيآي الزرع بالصيف
الكم نيه الديار الهلا اتـعودون؟؟

الصياد:: اعلة دربك فصلت شوفـي ، وضواي گبال عيني يبيد

اجيلك ابخاطري المكسـور
خاطر وجع روحـي يهيد 
السهر من عيني طيف ايريد
يالجيتك اهلال العيد
يجيبك بخت ليلي
لو دربنه ابعيد ..

ليال : وتانيت بخلگ متعـوب
أروح الغاد من طيفك
اتعب والضجه بافكاري ، تانيتك يابعد داري
وتردني من الحلـم مصيوب

صياد : عسا لا شاف گلبج الهم

🖤

بقلمي شذره

ليال : افتر واشتغل بالبيت رغم ما يحتاج شغل
بس اني اريد التهي وما افكر اركض ركض واميره تفتر ورايه 

اميره : عمه شبيج انطي نفسج مجال هاي ثالث نوبه تغسلين المواعين وتمسحين المطبخ

ليال : جاوبتها واني اجلف
ميخالف تا ينظفن زين  بعدهم عمر وعثمان نايمين موو اجت يمي كمشت جتفي وتحجي بهدوء

اميره : عمه لو تبجين وتفضفضين اخيرلج

ليال : مجرد گالتها شهگت ابجي
وگعت من طولي بالگاع وساده اثمي واصيح تا الولد ما يسمعوني حضنتني اميره وتبجي ويايه
كمشت اديها واغص بالكلام

ول اميره هاي عذباء زغيره وما تفتهم
وهاذ يگول نايمه بحضنيييي مستحيل
اخذها  مستحيل تدنه نفسه على جاهل تا بس يور گلوبنه

ثنيت على رجليه واصفگ عليهن والوم بنفسي
اني صوجي يا اميره صوجي ما عفت رجلي وجيت گابلتها هين كله من ورايه اني هملت بنتي وانوب انهارت اعصابي على جاهد من استشهد نسيت جهالي ومعد اندل بروحي وبهاي الفتره وادي استغلها وگام يخابرها بتلفونييي

هيه حجتلي كلشي من البدايه
وگالت زعم التوبه ما تسوي شي غلط شلون هسع طلعت تخابره منين جابت التلفون ويين ضمته
والله راقبتها ليل ونهار افتش بكتبها وجنطتها وانومها بحضني ويوميه اوصيها ديري بالج تخذلين ااخوانج وفهمتها  كلشي حلفتلي ما تسوي شي
شلون گدرت تخابره وتگله تعال اخذنييي شلووون

گمت الطم على وجهي نار شاعله بيه مجاي استوعب عذباء يم وادي وهيه مرته وانوب يم نجمه الي ما تخاف الله وتسوي سحوره اويلي يابه شيصبرني
سديت اذاني احس گمت اسمع صياحها
لا يربي لا بنتي زغيره تموت جواه

اميره :لا تلومين نفسج مالج ذنب عمه  منهو جان يتوقع راح يصير،هيج 

ليال :شلون ما الوم نفسي مفروض من اول ما رجع وادي اشوفلي مكان اضم عذباء بي
من جانت طفله عمرها 7شهور شالها من رجلها تا يوكلها للذيب وهوه يضحك وما مهتم المفروض اغبيهاااا عنه