أيها الحُزنُ ارتحِلْ عن أضلعي
طالَ منكَ اللُّبْثُ والعُمْرُ انقَضَى
اتّقِ الرحمنَ وارحَمْ أدمعي
وامْضِ عني مثلَما أُنْسي مَضَى
يا عسَى فجرٌ يُوافي مَطْلَعي
ويُهادِيني تباشيرَ الرِّضا
لقائلها
بقلمي شذرة العدوان
عذباء : رفعت عيونها ادحگله وصاكه سنونها
ليال : سمعتنييي اذا تصبح الدنيا واني هين اخبر عليكم الكل
عذباء :مثنيه بالگاع ما خلت شي ما هددت بي
انفعلت اشكال الحجي حجت
ابويه واگف بسدها جاتف ادينه وراه كل ما تگرب خاله جوانه تا تسكت امي ما يخليها
الا هجدت من كيفها وانهد حيلها
راحت خاله ديالا جابتلها مي شربتها
وگادتها جوه مددت عالجربايه وتشاهگ وتهمس بأسم خالي جاهد
ليال : جاهد يروح اختك شگلت من جتلوك
ديالا : ظلت تنوح لحد ما غفت
موت جاهد اذانه كلنه واكثرنه ليال
ما عرفت شحجي وشگول اواسي لو اعاتب
صديت على جوانه جانت واگفه بالباب دموعها تصب
طلعنه من الحجره جان ابو نشمي گاعد بالصاله وكامش راسه يتنهد صد علينه ما گدرت اجابسه من الفشله سوالف ليال حيل ثگيله راحت جوانه يمه تعتذر
جوانه : عمي سامحنه على سوالف ليال
هيه گلبها وار ما تعرف شتگول
ديالا : وگف گبالها ويبتسم
صياد :ميخالف بنيتي ادري بگلبها وار عسا رب العباد يبرد گلوبجن ويصبرجن
ديالا : استغفر وحدر جوه
جريت جوانه من ايدها ــ تعاي فهميني شجاي يصير
رحنه على حجرتنه وبلشت تحجيلي
جوانه :عمي صياد عنده جيش مقاومه وربعنه كلها ويا من الزغير للجبير وهاي ليال گامت تشبج الصالح والطالح
ديالا : ما ستغربت
من زمان شاكه بيهم ليش ابو نشمي يگدر يظل واگف يدحگ عالمحتل يستباح الأرض والعرض ويسكت
شگد جان شاكر يجذب عليه اسوي نفسي مصدگه واعوفه
جوانه : اني هم مثلج نشمي خلصها عليه جذب تالي دگيت رجلي الا خليته يحجي الصحيح
مرد گلبي من سولف
نشمي : ايي احنه بالمقاومه واخوج جاهد ويانه انفرد عن المجموعه واستشهد الله يرحمه
هاذ فخر جيشنه
كل عمليه نسويها ييروح من عدنه شهداء مو بس اخوج ويجوز اني الشهيد الجاي توقعي بأي ساعه يجيبوني بتابوت وخري يالله من دربي الولد يتانوني
ديالا : شهگت جوانه بالبجي
تربعت بالگاع ــ هاذ شلون گلبه انطا يسولف وياج هيج
جوانه : احنه ما مكتوبلنه نرتاح هسع صرنه انتأمل يجون زلمنه سالمين وما اتيتم جهالنه
أنت تقرأ
انا العذباء
Acciónقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
