إني أغــــــارُ عليها من كفِّ الهوا
لما يُصافحُ عطــــــــرَها فيـسيلُ
ومِنَ الرموشِ إذا تُغـــازلُ عينَها
وكأنها مُشتــــاقةٌ... فَتُطِيـــــــلُ
ومِنَ الكؤوسِ إذا الشفاهُ تعانقتْ
ومضتْ ليفضحَ عشقَها التقبيـلُ
ومِنَ القصيدةِ والحروفُ تألقتْ
وكأنـَّــــها لِبـُيــُوتِها قِنديـــــــلُ
قلبي قتيــــلٌ في هـــــواها وليتهُا
تدري بأنَّ القلبَ فيــــها قتيــــلُ
لقائلها
بقلمي شذره
عذباء :اي والله هاذ هشام شجابه هين
شهگت اميره من شافته ما گدرت تروحله خطيه
عبن ولد ابويه يمه
ظلينه واگفين يم السياره ابويه صار گدامي
گمز عمر من السياره وراحله فاتح ادينه ويضحك
عمر :يول هلاااااا الله حيووو ابن العم
عذباء :حضنه ورفعه عن الگاع
حدر عثمان انطاني البزونه وراحله
سلم علي وحضنه صديت على ابويه
جان كامش باب السياره ويدحگ على وادي الي متبسمر بمكانه ومخنزر على هشام
صد علينه ابويه ويسولف
صياد :فوتن عالبيت يابه
دموع : مشيت وادحگ على ابويه
صاك ايده وعاگد الحواجب وجدي بسده مدري شيهمسله راحو عالزلمه سلمو علي
واخذو عالمضيف
عذباء :طلعت بزونتي من الكارتونه
بعد روحي خايفه وترجف حضنتها اطمنها
من هجدت اخذتها وطلعت من الباب الوراني
هديتها بالگاع تا تلعب
اخذت ملابس وفتت عالحمام اجلف بروحي
ليال :جنت متوقعه جهالي يتلگوني
يبجون من الشوگ اشو حت ما سلمو عليه
كل واحد مسويله لفه ويعلس بيها وتارس جيوبه دعبل اليوم عطله مبينين هايطين من الصبح
رحت بوستهم واسألهم على احوالهم
جاهد :زينين الحمد لله ونظيفين عود لا تسبحينه
ليال :ما اسبحك مبين تبرج من نظافتك
بجامتك كلها تراب جنت تزحلگ مو
عافني ونهزم الوصخ هذول عدهم فراگي عيد
تا بس ما اسبحهم
رحت اعاون جوانه نگلنه الغراض جوه
ما خلينه شي ما جبنا حليب ولبن ودهن حر وزبد
وجمه وسمج وجثي كيفت بي ديالا تحبه
اجه نشمي مشمر اردانه
فات عالمطبخ اخذ سجين يحد بيها
تخصرت وادحگله
_بالله ابوك مو حلف على هشام ما يروح
نشمي :اي ما فعل يخلي يروح حرجه يظل غصبن عنه وگالي اذبح الطلي الجبنا ويانه
ولمن نفسجن رجبن غده بساع
أنت تقرأ
انا العذباء
Actionقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
