ليش ماگتلي من الاول
آنه مو كد الوعد ولا صاحب طويلة
و لا تحبني ،
عجل ليش خايب عودتني ؟!
بقلـمي شــــــــذره
عساف :سمعتيييي اخليج اتمنين
المووووت عود خلي هشام يجي
يفكج منييي
عذباء :گالها ودفعني وگعت گدامه
كمشت ايدي افرك بيها اصابعه
الا طبعو جرني من شعري وگز سنونه
شاغت روحي
عساف :شگالج هشام من خابرتي
گال تطلگي وهوه ياخذج مو انطقيي
شجنتو متفقين
عذباء :شهگت ابجي وكامشه ايده
افرصخ بشعري
واحلف جذب تا بس يفكني
من هالسالفه
: والله ما خابرته ولا اتفقنه على
شي هوه من جان يجي علينه گبل
يگول عنده محامي شاطر
كلشي يسوي واني فكرت اخلي عثمان يحاجي
الزلمه حت ما يدري
_جرني من شعري حيل صرخت وسد
اثمي وصلني يمه وحجه بأذني
عساف :ما خابرتي مو ولا اتفقتو
تعباليني غشيم واصدگج ما تدرين
بيه خابرته وجرجرته بالحجي
وبالسانه اعترف تخابرتو
واتفقتو تحطون محامي يطلگج مني
عذباء :انبهتت ادحگله جانت عيونه تلهب نار
رص حنوكي حيل ودفعني بالگاع
گحزت عنه وابجي
حاول يگوم ما گدر
ضرب العربانه وحجه
عساف :هشام النذل
يگلي اخلع بنت عمي منك
وانته همجي ومريض نفسي انصحك اتعالج
رحت بنفس الليل ادورله وما لگيته
خليت شاجور شعال على حسابه
هاذ شاربي مو عليه اذا ما اترس بطنه
بارود وانتي يا فاينة الحظ مولمج عقاب
اخليج تحبين ايدي تا بس ارحمج
عذباء :وگفت ادحگله انشط بدموعي
وحيلي يرجف
: لا تعبالي خايفه منك ومن تهديدك
الضاهر نسيت اني شلازمه عليك
اگدر اسولف فواينك كلها لأبويه وعمر
وميحتاج اگلك شيسوون
_ضحك وضرب العربانه بأدينه ثنين
عساف :عج الله روحي سولفيلهم
گليلهم شلون شوهتج وعذبتج
يالله امشيييي
عذباء :تبسمرت ادحگله
وهوه يضحك وگاز سنونه
عساف :وبدربج هم گليلهم شلون
خنتيني ويه ابن عمج
ودحجي بعينج ابوج واخوانج شلون
راح يكيفون ويفتخرون بيج
عذباء :فكيت اثمي ادحگله
: خيانة شنهي كل عقلك تريد تلزگني
بهشام گوه تا تفك روحك مو
صاح ودحگ حوالينه يدور شي يضربني
بي عفته وطلعت بساع
عساف :تعاييي وين موليه
فاينة الحظ هينه لج يولي
عذباء :رجدت الباب وما صديت
تلاگيت ويه سبع
من شافني نفخ برتياح اخذني بصفحه
يسولف بخوف
سبع :يخايبه والله متت بدمي
من البدايه اطلعي عش تناطلين ابويه
عذباء :عجل عوزك اسكتله ما سمعته
شلون متحلفلي ويتهمني
أنت تقرأ
انا العذباء
Actionقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
