أنت البعيـــد الذي كالنجــم ألمحهُ
أنت القريب الذي في الروحِ قد عشعش.!
إن جئتَ حيناً فكل الأرض ضـــاحكةٌ
أو غبتَ يومــاً فكل العــالم استـوحش..!
لقائلها
بقلمي شذرة
عذباء : اخذي هاي الأزبري الصفره ما اريدها
جوانه : عوفيها هسع ما اريد
حطيت كلنس على صدرها تا متمصخ نفسها
دحگت على وادي صافن عليها ويبتسم وتعابير وجه توحي بالسعاده صد بصفحه ويمسح بگصته ورگبته
التفتت علينه نجمه وتبتسم مجامله
وعمي شاكر يسوق وينافخ وهاي عذباء تشفط ازبري خلصت ثنين ورادت تاكل الثالثه اخذت العلاگه منها _كافي عاد راح تنطحلين
شديتها ولگحتها من الجامه ومسحت اثمها واديها طلعت حمره من الجنطه وحطيتلها انتبهت على وادي يدحگلها بطارف عينه ويبلع بريگه
وصلنه البيت وعلگوها الولد بالرمي عذباء سدت اذانها ولزت نفسها عليه طبگ عمي شاكر بالطرمه
حدر وادي ويحجي عالولد تا يبطلون رمي
رجع على عذباء گبعها وحدرها
لفت عليها وشلت بدلتها من گدام وديالا من صفحه وهاذ وادي گايدها يداري بيها لا تگع وگعت منها الورده عبن كلشي متشوف اجت اميره شالتها
فوتنه عذباء جوه وعلگت الهلال والهوسات
حطينه جواهه مخده تا تصير عاليه
وگفت بسدها وشلت البرگع من وجها
وادي گعد بسدها وكمش ايدها
عذباء : جريت ايدي منه رصها حيل ويبتسم
گرب يم اذني وشاورني
عساف :اركدي يابه خلي البناويت الحجو عليج يغارون منج
عذباء : دحگت عليهم كلها فاتحه عيونها عليه
عبالك اني تلفزيون وهاذ وادي يبتسملي وكلساع يگرب يم اذني يسولف
عساف :لايگه عليج هالبدله طالعه جنج الأميره
عذباء :دنگت ورجع سألني
عساف : واني بالله ما لايگ عليه القاط
عذباء : دحگتله وكنشت طالع تخرع
ضحك ورص ايدي
ليال :هاذ شعنده يشاور بيها ويضحك صدگ روحه مشيت تا اروح عليهم جلبو بيه امل وسعاد
سعاد : وين موليه عوفيهم هاذ، وادي يمثل تا الوادم تنجعم اگعدي اهين
ليال : مو اني اريد يم عذباء خاف تحتاجني
امل :بس اگعدي يمعوده يمها خواتج واميره
دحگي جوانه جنها النسره تكفي وتوفي
جوانه : دحگت على ليال اشرتلي اظل وما اروح هزيت راسي بأي گامت نجمه ترگص بنص النسوان وتغني تارسه نفسها ذهب
أنت تقرأ
انا العذباء
Acciónقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
