ولـمَّا رَأيْـتُ الـنَّوْم فَارقَ مَضْجَعِيْ
أيْـقَـنتُ أنَّــي فــي هَـواهَا مُـغَيَّبُ
بقلمي شذرة العدوان
نشمي : سولفي شجابرني متحمل كلشي شين منج
جوانه : جاوبت بثقه... خوفك من عمي
ضحك وسند ادينه عالحايط حاوطني گرب راسه يمي ويحجي
نشمي : ما انجر اخاف من ابويه انتي ما شفتي منه بس حنيته اما احنه شفنه النمر الي جواه
واني احترمه اكثر من خوفي
هسع خلي ابويه على صفحه واسعلي نفسج عش متحملج وما اريدج تروحين
جوانه : جان يحجي بهدوء ونبرة صوته غريبه
عبالك يلمحلي انه متحملني عبن يحبني ردت اصدگ
بس تذكرت الرسائل وكلامه لحبيبته
... سكتت وصديت بصفحه وخر الملفع من راسي وباسني يم اذني قشهر جسمي حطيت اديني بصدره وجان اوخر انزعج واضرب الحايط بجف ايده
نشمي :انتي وتالي وياج وتاليييي
جوانه : اجه يمشي عليه
لزم ايدي ويجر حسرات ويدحگ بعيوني
نشمي :يولي شقساوة گلبج عليه شنهو هالحقد هاذ
منهو جارج بالنحاسه وهاذ الگطع
جوانه : نفضت ايدي منه واحجي بعبره
...عوفك مني انته شلون تگدر تحب وتعوف وترجع تحب وهم تعوفها وتجرح وتخطي وتجي تحجي طبيعي جنك ما. مسوي شي... صفن عليه عبالك ما فتهم شي
نشمي : شنهي تحب وتعوف وتحب وتعوف
جوانه : تأفأفت ورحت اخذت ملفع حطيته على راسي تا اطلع لزم ايدي ويصيح عليه عيونه صارت بگصته
نشمي : وين موليه مو جاي اسولف وياج لا اطلعيني عن طوري وتجيبين المهانه النفسج
شنهي انتي متونسه بهاي عشيتنه يولي انظل اجان عايشين بگطع وجفه شلون راح نربي الجاهل
جوانه : نفض ايدي وضرب ادينه وحده بوحده ولازم راسه يفتر صد عليه نص التفاته ويحجي
نشمي : سايم جاه الله عليج تگعدين ويه نفسج ودانشي فكرج وخن نعيش مثل الوادم تره اذا تكور عندي الگشره اكرهج حياتج فتهمتي لو لا
سبع تالاف نوبه گتلج هذيج البنيه عفتها وبعد مالي لازم بيهاااا
جوانه : گالها وطلع
گمت الوم بروحي على هاي عيشتي راح اتخبل ليش مجاي اگدر اتقبل نشمي ليش مجاي اسامحه
معقوله مثل ما گال اني حقوده وگلبي قاسي
وزودتها ونحسه لو هوه فعلا اغلاطه جثيره وما تغتفر لزمت راسي تعبانه وگلبي يوجعني مليت هاي العيشه مليتها تمنيت اگدر اسارر احد واحجيله همي وافضفض يمه بس مگدر خفت الحجي يصل عمي
استغفرت ودعيت ربي يبرد گلبي ويرشدني
ظليت فتره احاول اتجنب نشمي
ليما اموري تهجد بلكت اگدر اعيش مثل النسوان لخاطر الجاهل الي ابطني
نادانه عمي اني وشاكر وديالا ونشمي وبلغنه
أنت تقرأ
انا العذباء
Acciónقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
