ليال : أدعو عليك بأن تصاب بداء العذباء
وتموت شوقا ميتة الأحياء
وتسير بين العاشقين معذب
متعطش من غير رشفة ماء..
عساف : أهلا بدائي ومنها دوائي
في عشقها كم يستطيب بلائي
يا معشر العشاق إني ميت
فيها وفيها لا أريد عزائي.
بقلمي شذره
ليال : كتمت الغيض بداخلي
تمنيت اردها برزاله على تشبيها لوادي بصياد السباع
اخذت نفس وصديت عليها
الله سبحانه خلق من الشبه ما يشاء
بس مو معنى الأطباع نفسها ابو النشمي ماكو زلمه بهالوكت يلحگ ظفره وزحمه نشبه عزيز القوم بالغربان،،
_ اني گلت يحشم ابو النشمي وعز الله ماكو زلمه يلحگه لا بفعل ولا بشي بس ما نگدر انجذب عيونه
وادي يشبه ابو نشمي بكلشي حت نبرة حسه فرق بينهم بس الشيب واني جنت اقصد بس الغربان تشبه بعضها وماكو ختلاف مثل غيرها من خلگ الله
وانتي محظوظه بنسيب مثل ابو سبع رجال من ضهر رجال الله يحفظه ويرزقه الذريه الصالحه من عذوبه الحلوه
ليال : صديت بصفحه اعصر بالفرشه
شگد اضوج وانحمس اذا يشبهون هاذ الغدار بعزيز القوم ومنا هاي تدعيله بالذريه من عذباء على اعصابي گاعده واحمس بروحي
عذباء :كل ما النسوان يسألني عن وادي وجهاله وشلون وليش امي وخاله جوانه يجاوبن بدالي
اني بس گاعده واتأفاف
مليت امت يروحن عاد انوب گامن يسألن على نجمه
ليال :ام وادي مريضه صاعد ضغطها ونايمه بحجرة الشيخه ترتاح
_اها الله يشافيها سلمونها عليها واحنه انترخص
جوانه : وين رايحات الغده صاير
_الف عافيه خيه
منگدر انظل
ليال :راحت جوانه توصلهن
طلعنه اني وعذباء حدرنه جوه يم البنوات
اجت دموع من الحمام مشفوط لونها وادحگ علينه
اخذت عذباء بصفحه ومدري شتهمس
دموع : يولي لگيت طالع مني دم
فكت اثمها وتسولف بحس عالي
عذباء :يمصگوعه كبرتيييي
دموع : سديت اثمها اسكت بيها
اجت خاله ليال سمعتها ابتسمت وتحجي وياي
ليال : شبيج دموعه گولي
دموع : لگمتني عذباء گبل لا انطق
عذباء :يمه هاي جتها العاده
دموع : كفختها خاله ليال ورزلتها
ليال : وعش تجوعرين بعلو حسج
امشي جيبي لدموع من ملابسج يالله
دموع : راحت مبرطمه وادردم
واني اخذتني خاله ليال عالحمام تعلم بيه وتشرحلي دنگت مستحيه حضنتني وتسولف
أنت تقرأ
انا العذباء
Acciónقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
