صـــيــــاد
أُمي وإن ملأ المشيبُ عوارضي
سأظلُ طفلاً عندها أتدللُ
وتظلُّ أمي فوق كل مُهمةٍ
حتى شموخي عندها يتذللُ.
بقلمي شذرة العدوان
ليال :محد جان منتبه غير اني كلها گاعده ومغطيه عيونها ونبجي عالساكت عبن صياد منع البجي يم الشيخه
جانت تون وبالحظات دارت عيونها على صياد وهجدت
جان لازم ايدها وضامها لصدره ويقرا ويدعي
دحگ عليها مركزه بي وساكته
لزم وجها ويحجي بغصه
صياد : ها يالوالده تهجسين شي رايده شي
ليال : ما جاوبته… انبهت ورتخت ايده ناداهه
صياد : امي تسمعيني
ليال : وادي جان مدنگ رفع راسه ويدحگ عالشيخه وعلى ابو الي گام يبلع بريگه
كلها وگفت والتمت يمها ناس ادحگ على ناس
وصياد عيونه تفتر علينه ويرجع يدحگ على امه
عيونها ما ترمش ونفسها هاجد
راحت يمها دله گلبتها وجان تصيح خزرها صياد وعيونه دم رجع يگلب بالشيخه جسد بدون روح
صياد : اميييي جاوبني اترجاج
دخيلك يا رب العباد
ليال :بثواني ارتجت الحجره بالصياح جنت مرعوبه ادحگ على وادي و صياد
انهد حيلهم يريد يگفون ما يگدرون
غمض عيونه صياد ورفع راسه للسماء ودموعه تصب
صياد : لايذ عليك يا رب العباد لا تفجعني بالوالده لا تفجعني بريحة الجنه
ليال : دنگ على امه يشمها وينادي
صياد :يم السباع اترجاج
گومي على حيلج لا تكسرين ضهري
ليال : وادي دنگ على ايدها وينحب بعلو حسه
وصياد انهارت اعصابه راحو يمه شاكر وساجي
يبجون ولازمينه وهوه يدحگ عليهم يتوسلهم بعيونه
صياد : امي يولو كارصه ما تسولف تعال يشاكر گعدها اخافنها زعلانه مني
ليال :گام شاكر يصيح بعلو حسه وحاضن صياد
لزمه صياد من ياخته ويدحگ بوجه
هده وجان يگع من طوله وثنه على ركبه
لازم گلبه والولد مجلبين تخبل وخرهم ورتمه على صدر امه ينحب ويشم بيها
عذباء : على حس الصريخ فزيت اني ومهره رحنه ركض على حجرة جدتي لگيت الوادم كلها تصيح
حت وادي وابويه ملتمين فوگ جده وينحبون
عصرت ثوبي وادحگ على مهره
دموعي لحالها گامت تصب
اريد اشوف جدتي گمت اكف بالوادم جرتني امي من ايدي وهيه تبجي وتشاهگ
ليال : تعاي وين تريدين… خفت على عذباء تشوف جدتها ميته وابوها متخبل ما گدرت الزمها فلتت مني ومرگت من جوه رجلين ساجي وطبت عليهم
عذباء : لزمت ضهر ابويه الي جان مدنگ على صدر جدتي وينحب بعلو حسه رفع راسه واشوف دموعه منگعه لحيته
دحگت على جدتي مفتحه عيونها وساكته حطيت رجلي تا اصعد عالجربايه جرتني امي زهور
گمت اصيح وافالت منها ما تفعل تهدني
الا صاح بيها ساجي
أنت تقرأ
انا العذباء
Aksiقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
