عـــمـــر لــيــــال
هله بطولج اصيحن لوتمرين
يمن طولج مناره وجنه مرقد
واطوف انه بحنانج طيرولهان
فك اجناح سجنه ولسماء انهد
شسولف شرد اعدد شرد اكولن بيج
يل وحده بصفاتج عيب تنعد
آنه بهذا عمري اشتاك حضنج دوم احط كلبي اعلى كلبج يﻻيبرد
يمن فدوه الخيالج ياضوى البيت
كون العمر كله بحضنج امتد
يل كلج محنه انطاج رب الكون
والناكر محبتج يمه مرتد
بقلمي شذرة العدوان
فاطمه : انبهتت هاذ هشام اخو اميره
منين طلع ظليت متصنمه وهوه يدحگ مبتسم
هشام : السلام عليكم
فاطمه : وعليكم السلام… ما ادري اذا گلتها صحيح گلبي يطرد عبن جفلني هالمصگوع
هشام :هذا بيت عمي غازي مو
فاطمه : اي
هشام : اني هشام ابن ماجد
فاطمه : حياك الله ..اشر على بيت عمر ويسولف
هشام : شنو الجماعه مو هنا دگيت الباب ومحد طلعلي
فاطمه :اي ماكو احد راحو عالفاتحه كلهم
هشام : هاا منو مات
فاطمه : عم ابويه
هشام :الله يرحمه هم عمر راح
فاطمه :ما ادري ما شفنا من الصبح
تفضل استريح… ذب الجنطه عالممشى وطگگ ضهره
جبت دوشك حطيته بالطرمه
دحگ عليه وعالدوشك
هشام : ما عدكم كراسي
اميره : امبلا عدنه
هشام : اي لعد جيبي
اميره : رجعت جبت كراسي جر واحد
گعد وحط رجل فوگ رجل ويتأفأف
رجعت انوب جبتله مي اول ما وصلت يمه وسأل
هشام : انتي بنت عمي غازي
فاطمه :انطيته المي وجاوبت ..اي
شربه المي وكب الباقي مسح شواربه بضهر ايده
هشام : تشرفت بيج ..ما ستغربتي وجودي عبالك تعرفيني
اميره : اي اعرفك
هشام : وين تعرفيني
فاطمه : شفتك هذاك اليوم من جيت واميره حجتلي عنكم… ابتسم ونزل رجله شبك ادينه
هشام : ها لعد ليش ما جيتي سلمتي
فاطمه : ما عرفت شجاوبه
اديني ترجف من التوتر يعني شجاوب خوما اگله اهلي ما يخلوني اطب هذاك البيت
ورث.جگاره وينتظر مني جواب
… .احم اصبلك غده… رجع ضهره عالكرسي وينفخ دخان من الجگاره
هشام : تسلمين متغدي بس اذا اكو جاي ما اگول لا
فاطمه : رحت بساع سويتله جاي صبيت بستكان وقدمته حك راسه وحجه ببتسامه
أنت تقرأ
انا العذباء
Aksiقصة حقيقة باللهجة العراقية الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
