Come To My Side (Myanmar Translation)

Note!

ဒါလေးက Intense Love ရဲ့ Author Liu Mang Xing laoshi ရဲ့ works တွေထဲကမှ အားယွီ သဘောအကျဆုံးဝတ္ထုလေးဖြစ်တာကြောင့် ဘာသာပြန်ဖို့ ဆုံးဖြတ်လိုက်တာပါ။
အခုမှ ပထမဆုံးဘာသာပြန်ဖူးတာ ဖြစ်တဲ့အတွက် ဖတ်လို့အဆင်မပြေတာတွေ ရှိနိုင်ပါတယ်။
ဘာပဲဖြစ်ဖြစ် အတတ်နိုင်ဆုံးကြိုးစားထားတာမလို့ သဘောကျကြမယ်လို့ မျှော်လင့်ပါတယ်။

Description

အသက်၂၆နှစ်အရွယ် ကွမ်းရှီးတစ်ယောက် သူမဟာ သမီးအရင်းမဟုတ်ကြောင်း အသိပေးခံလိုက်ရသည်။

တကယ့်ကွမ်းသခင်မလေးအစစ်ကို မြို့ငယ်လေးတစ်မြို့ရဲ့ အစွန်ကျကျနေရာကနေ သွားခေါ်လာတော့မည်။

မျက်စိတစ်မှိတ်အတွင်းမှာပဲ သူမ ကမ္ဘာကြီးက ဇောက်ထိုးမိုးမျှော်တွေ ဖြစ်ကုန်ရတော့သည်။ မိဘတွေရဲ့ အချစ်တွေကို ခွဲပေးရတော့မည်၊ ပစ္စည်းဥစ္စာတွေကို ခွဲဝေယူရတော့မည်၊ သူမ​၏ ယခုလက်ရှိခင်ပွန်းလောင်းသည်ပင် တခြားသူတစ်ယောက်နှင့် လက်ထပ်သွားနိုင်သည်။

တစ်ညလုံး စဉ်းစားပြီးသည့်နောက်တွင် တော့ ကွမ်းရှီး စိတ်နဲ့လူနဲ့ဆွဲကပ်လိုက်ကာ သူမဆန္ဒမပါသော်လည်းပဲ ကြိုးစားပမ်းစား ချစ်ခွင့်ပန်ပြီး ခင်ပွန်းလောင်းရဲ့ အချစ်ကိုရယူဖို့ ဆုံးဖြတ်လိုက်သည်; "ကျန်းဆွေကျိုး၊ ငါ နင့်ကို ချစ်တယ်! နင့်ကို ချစ်လွန်းလို့ နင်မရှိရင် အသက်မရှင်နိုင်လောက်တဲ့အထိပဲ!"
ခုနလေးတင်ကမှ အလုပ်ခရီးကနေ ပြန်ရောက်လာတဲ့ ကျန်းဆွေကျိုးဟာ ကြမ်းပြင်ပေါ်က ပန်းပွင့်ပန်းချပ်တွေကို မြင်တဲ့အခါ မျက်ခုံးတွေ ပင့်တက်သွားရကာ "ကွမ်းရှီး၊ ဒီတစ်ခါ ဘယ်အကန့်အသတ်ထုတ်အိတ်ကို သဘောကျနေပြန်ပြီလဲ။"

~~~

ကွမ်းအိမ်တော်​၏ အကြီးဆုံးသမီးကွမ်းရှီးမှာ ချောမောခန့်ညားပြီး ချမ်းလည်း ချမ်းသာတဲ့ ခင်ပွန်းလောင်းရှိတယ်ဆို ပေမဲ့လည်း သူတို့ဆက်ဆံရေးက 'ပိုက်ဆံစကားပဲပြောမယ်၊ အချစ်စကားမပြောဘူး' ဆိုတဲ့ ပလတ်စတစ်ဆက်ဆံရေးမျိုးမှန်း လူတိုင်းသိကြပါသည်။
တကယ့်အစစ်အမှန် ကွမ်းသခင်မလေး ပြန်ရောက်ပြီးနောက် ကွမ်းရှီးတစ်ယောက် သူမ ပိုင်ဆိုင်သမျှ အရာအားလုံးကို စွန့်လွှတ်ရတော့မည်ဟု လူတိုင်းက တွက်ထားကြသည်။ အဲ့ဒါဟာ တစ်ခုသောလေလံပွဲတစ်ပွဲ မတိုင်ခင်အထိပင်။ သူမ​၏ ခင်ပွန်းလောင်း ကျန်းဆွေကျိုးဟာ ကွမ်းရှီးအတွက် တန်ဖိုးကြီးလက်ဝတ်ရတနာစုံလိုက်ကို ဝယ်ယူရန် ပိုက်ဆံကို ဗုန်းပေါလအော သုံးပစ်လိုက်သည်ကို သူတို့ မျက်မြင်ကိုယ်တွေ့ တွေ့လိုက်ရလေသည်။
သူငယ်ချင်းတစ်ယောက်က သူ့ကို အမြန်ဖျောင်းဖျတော့သည်; "မင်းရူးနေလား။ ကွမ်းရှီးက မင်းဇနီးလောင်းမှ မဟုတ်တော့တာ။"
ကျန်းဆွေကျိုးဟာ တည်တည်ငြိမ်ငြိမ်နှင့်ပင် ပြုံးပြလိုက်ကာ "ငါ အလိုလိုက်ထားတဲ့ ငါ့ရဲ့ဇနီးလောင်းကို သူများက ပြောင်းဆိုတိုင်း ပြောင်းစရာလား။"