"Barista တစ်ယောက်ရဲ့ စိတ်ကို လုံး၀ ကသိကအောက်ဖြစ်ရတဲဲ့ အချက်တွေရှိတယ် ဂျေရူဘီ"
ဂျီ ကိုယ်တိုင် ရူဘီ့အတွက် သီးသန့်ပျိုးပေးထားတဲ့ ပန်းပင်လေးကို ရေလောင်းနေတာကို ရပ်ကာ ရူဘီ့နဲ့ ဂျီ့ရဲ့ကြား အကွာအဝေးကို ခြေတစ်လှမ်းလှမ်းကာ ချုံ့လိုက်သည်။
မျက်မှောင်လေးမဆိုသလောက်ကြုံ့ကာ အပေါ်နှုတ်ခမ်းလေး အနည်းငယ်စူနေတဲ့ ဂျီဟာ ကျိန်းသေပေါက် စိတ်ဆိုးစရာတစ်ခုနှင့် ကြုံလာခဲ့သည်ထင်၏။
ဂျီ့ရဲ့ နားသယ်စပ်နားက ချွေးစက်တွေကို ရူဘီ လက်ခုံနဲ့ အသာအယာပွတ်သပ်ကာ သုတ်လိုက်ရင်း
"အင်ဟင်း ပြောပါဦး အဒေါ်ကြီး ဂျီ "
"Cappuccino တစ်ခွက်ရဲ့ အသက်က ဘာလဲ"
"Foam milk ပေါ့ ဂျီရဲ့"
"အင်း ဆိုတော့ Cappuccino တစ်ခွက်ကို Foam မပါစေနဲ့လို့ လာမှာတာကို ဘယ်လိုမြင်လဲ"
"အယ်"
ဂျီ ထို customer ရဲ့ အမှာကြောင့် ဘယ်လောက်ထိ စိတ်အိုက်သွားမလဲဆိုတာ ရူဘီ မှန်းဆကြည့်လို့ရသည်။ ဒါက ဂျီ့ရဲ့ sensitive point လေ။ ဒါနဲ့ ပတ်သတ်ပြီးလည်း ဂျီနဲ့ရူဘီကြားမှာ ပြသနာတွေ ရှိခဲ့သေးတာဆိုတော့။
"အဲ့ဒီတော့ ဂျီက ဘယ်လို တုံ့ပြန်လိုက်လဲ"
"ကိုယ် espresso ကို steamed milk နဲ့ ဖျော်ပေးလိုက်တယ်"
ရူဘီ သက်ပြင်းကို ခပ်ဖွဖွချရင်း
"ဒါကတော့ ဂျီက pro တစ်ယောက် မပီသ သလို ဖြစ်သွားတာပေါ့"
အသက် ၃၇နှစ်ကျော်လို့ ၃၈နှစ်ထဲ ၀င်လာပြီဖြစ်တဲ့ ဂျီ ဟာ
အသက်နဲ့ထပ်တူမကျတဲဲ့ ရုပ်ရည်ကို ပိုင်ဆိုင်ထားတာကလွဲရင် အရင်က ဂျီ့ရဲ့ အသွင်တချို့နဲ့ စိတ်အခြေအနေ ပြောင်းလဲလာသလိုပဲလို့ ရူဘီတော့ ထင်သည်။
မိန်းမတွေက အသက်ကြီးလာရင် ထိုကဲ့သို့ပဲလား မပြောတတ်။ တစ်ခါကလည်း ဂျီ့ရဲ့ baristaသင်တန်းက သင်တန်းသူ တစ်ယောက် espresso ကို expresso လို့ အသံထွက်မှားပြီးပြောတော့ It is espresso,not expresso လို့ လေသံ ခပ်ဆတ်ဆတ် နဲ့ပြောလိုက်တဲ့နေ့ကစပြီး ထိုသင်တန်းသူက သင်တန်းလာမတက်တော့တဲ့အထိပဲ။
မိန်းမတွေက သွေးဆုံးခါနီးရင် စိတ်အပြောင်းအလဲမြန်တတ်ကြတယ် လို့ ပြောရအောင်လည်း ဂျီ့ရဲ့အသက်က ဘ၀ကအခုမှ စမှာလို့ ပြောလို့ရတဲဲ့ အသက်၄၀ပင် မပြည့်သေးပေ။
YOU ARE READING
Tell me about your day☕
Fanfictionမင်းက Espresso ကြိုက်တယ် တို့က Vanilla Icecream ကို နှစ်သက်တယ်။ တို့နှစ်ယောက်ရဲ့ ပေါင်းစပ်ခြင်းဟာ Affogato ဖြစ်လာတယ် ☕ June/ 29 / 2021 - August / 2 / 2021
