Tell me about your day☕

☕8

*I love her most for all the things she hated about herself, for that is what made her different*

Jisoo's POV

စကား တစ်ခွန်းပြောဖို့ကို အချိန်အကြာကြီး ယူတတ်တဲ့ကောင်မလေး
ကိုယ်က ဆယ်ခွန်းလောက် ပြောနေရင်တောင် တစ်ခွန်းလောက်သာ ပြန်လည်တုံ့ပြန်တဲ့ကောင်မလေးဟာ
လျှောက်လှမ်းနေတဲ့ ဂျီဆူး ခြေလှမ်းတွေကို တမဟုတ်ချင်းရပ်တန့်သွားအောင်
ခန္ဓာကိုယ်တစ်ခုလုံး လှုပ်ရှားလို့မရတော့အောင်
စကားလုံးတွေအများကြီးနဲ့ ပြုစားသွားခဲ့တာ

'ရှင့်အတွက် Espresso ဖြစ်ချင်တယ်' ဆိုတဲ့ စကားလုံး ဟာ ဂျီဆူးကို တွေဝေမှုတွေ အများကြီး ပေးသွားတာပဲ။

ဂျီဆူး သိတာပေါ့ ဂျေရူဘီ ဆိုတဲ့ကလေးမလေးက Affogato တစ်ခွက်ဖန်တီးချင်နေမှန်း

သို့ပေမဲ့ သူက Espresso ဖြစ်နေသရွေ့ မည်သည့်ကော်ဖီ မဆို ဖြစ်ခွင့်ရှိတယ်ဆိုတာ မသိရှာဘူး။

သူက Espresso ဖြစ်တယ် ဂျီဆူးက Barista ဖြစ်တယ်။ ဂျီဆူးရဲ့ ဖန်တီးမှုတွေထဲမှာ သူက ဘာမဆို ဖြစ်ခွင့်ရှိတယ်...

လီ က Espresso ကြိုက်တယ်
ရိုဂျယ် က Vanilla ice cream ကြိုက်တယ်
ဂျီဆူးကလည်း Vanilla Ice cream ကို ကြိုက်နေတယ်။

ဒါပေမဲ့ Affogato တစ်ခွက်အတွက် ဂျီဆူးရဲ့ ဖြစ်တည်မှုက အရေးမပါလှဘူး အဲ့ဒါကြောင့် ဂျီဆူး vanilla ice cream ကို မနှစ်သက်တော့တာကြာခဲ့ပြီ။

ထွက်ခွာသွားတဲ့ ကျောပြင်ငယ်လေးဟာ တုန်ရီနေမှန်း
တိုးတိတ်တဲ့ စကားသံတွေမှာ အငို ရောစွက်နေမှန်း
ဂျီဆူးရဲ့ စကားတစ်ခွန်းကြောင့် မျက်ဆုံးချင်း မဆုံတော့မှန်း သိတာပေါ့ သိခဲ့တာပေါ့ကွယ်

'မင်း ကိုယ့်ကို သိတာ ၇ ရက်ပဲရှိသေးပေမဲ့ ကိုယ်ကတော့ လွန်ခဲ့တဲ့ ၁၀ နှစ်ကတည်းက မင်းကို သိခဲ့တာပေါ့ ဂျေရူဘီ ရယ် အဲ့ဒီ နှစ်သက်ဖွယ်ကောင်းတဲ့ အစက်အပြောက်လေးတွေက မင်းကို မှတ်မိဖို့ လွယ်ကူစေခဲ့ပါတယ်'

.
.
.
.
.

10 years ago

အသက်၁၉ နှစ်ကတည်းက ကာရာတေး သင်ခဲ့တာမို့ ၂၂ နှစ်အရွယ်မှာ ခါးပတ်နက် ရတဲ့အဆင့်ထိ ဂျီဆူးဟာ တတ်ကျွမ်းနေခဲ့ပြီ။ ဂျီဆူး တက်ရောက်နေတဲ့ သင်တန်းကျောင်းရဲ့ဆရာကြီးက 3rd Dan Black အဆင့်ရှိပြီး ဂျီဆူးက တော့ 1st Dan Black ပေါ့။
အခုတော့ ဆရာကြီးက သူ့သင်တန်းကျောင်းကို ဂျီဆူး ထံ လွှဲအပ်ပြီး ဆက်လက်သင်ကြားဖို့တာဝန်ပြောင်းပေးခဲ့သည်။