"ဝင်္ကပါရဲ့အလွန် "
============
အပိုင်း-၁၉
=======
"တင်းတောင်.."
ဘဲလ်ခေါင်းလောင်းသံကြောင့်..နွယ် အိမ်ရှေ့ပြေးလာခဲ့သည်။သို့သော်..မြင်လိုက်ရသူကြောင့်..နွယ် အံသြသွားရသည်။ံ
"ဟင်..ကောင်း ."
ကောင်းက ခေါင်းစွပ်ပါတဲ့ဟူဒီအင်္ကျီကိုဝတ်ထားပြီး နွယ်ကို မှုန်သိုးသိုးစိုက်ကြည့်သည်။
"အိမ်ထဲကို ဝင်ပါဦး..ကောင်း"
"အိုခေ.."
ကောင်း အိမ်ထဲဝင်လာခဲ့ပြီး..ဧည့်ခန်းဆိုဖာတွင် ဝင်ထိုင်လိုက်သည်။
"ဘယ်သူမှမရှိကြဘူးလား.."
"ဟုတ်ပါတယ် ခဏနော် နွယ် အအေးသွားယူလိုက်မယ်"
"နေပါစေ..အသက်ကို ဆက်သွယ်မရလို့ အိမ်လိုက်လာတာ.."
"အော် "
နွယ်က မျက်ခုံးကိုပင့်လိုက်ပြီး..၊
"အသက်က နွယ်တို့အိမ်မှာမနေတော့ဘူး ကောင်း"
"ဟင် သူဘယ်မှာနေတာလဲ"
"မသိဘူး အထုတ်တွေ လာသိမ်းသွားပြီးထွက်သွားတာပဲ. "
"မမေးလိုက်ဘူးလား"
"မေးလိုက်ပါတယ်..ဒါပေမယ့် အသက်က နွယ်ကို အစ်မလို့မသတ်မှတ်ဘူးထင်တယ် ဘာမှ မပြောဘူး ဒါပေမယ့်..လာကြိုတဲ့သူကိုတော့တွေ့လိုက်တယ်"
"ဘယ်သူလဲ "
"ဒေါက်တာ ရေပြင်ညီ"
ကောင်း ချက်ချင်းပင် ထရပ်လိုက်ပြီး...
"သွားခွင့်ပြုပါဦး.. "
"နေ..နေဦးလေ.."
နွယ် စကားမဆုံးမီပင် ကောင်းက..ခြေလှမ်းကြဲကြီးတွေနဲ့ထွက်ခွာသွားပြီဖြစ်သည်။
❤❤❤❤❤❤❤❤❤❤❤❤❤❤❤❤❤❤❤❤
ဘား...၊
ကောင်း ချပေးသမျှ အရက်ခွက်တွေကို တစ်ခွက်ပြီးတစ်ခွက်..မော့သောက်နေမိသည်။
"မင်း..ဘယ်ရောက်နေတာလဲ "
နွယ် ပြောလိုက်တော့ ကောင်း ရေပြင်ညီဆီ လိုက်သွားခဲ့သည်။
