"ဝင်္ကပါရဲ့အလွန် "
============
အပိုင်း-၂၁
=======
ရှယ်ယာရှင်..အစည်းအဝေး... ၊
အစည်းအဝေး ခန်းမထဲကို ရှယ်ယာဝင်လုပ်ငန်းရှင်များ..တဖွဲ့ဖွဲ့ရောက်လာခဲ့သည်။
သူတို့ပိုင်တဲ့နေရာတွင် ထိုင်ကြသည်။
ဥက္ကဋ္ဌ နေရာတွင်..ဦးမိုးမြင့်က ထိုင်လျက်ရှိသည်။
"အစည်းအဝေး စပါပြီ"
ကြေငြာလိုက်သည်နှင့်...ညာဖက်ရှိ အဝေးပြေးလိုင်းတွေကိုဦးစီးအုပ်ချုပ်နေတဲ့ ဦးဝေမင်းက .ထရပ်သည်။
"ဥက္ကဌ ဒီနှစ်အတွတ်..ဘာအစီအစဉ်တွေရှိလဲ..."
ဦးမိုးမြင့် ဟန်ပါပါပြုံးလိုက်ပြီး..၊
"ရှော့ပင်းမော့ အသစ်ဆောက်မယ် စဉ်းစားထားတယ်.."
"စဉ်းစားထားတယ်ဆိုတော့ ဘာအစီအစဉ်မှမရှိဘူးလား..ဒါဆိုရင်တော့ ဟိုနှစ်ကဆောက်တဲ့ ရှော့ပင်းမော့လိုပဲ မရူံးရုံတမယ်ပေါ့.."
ဦးဝေမင်းပြောလိုက်တော့..ညာဖက်ခြမ်းကလုပ်ငန်းရှင်တွေ လှုပ်လှုပ်ရှားရှားဖြစ်သွားသည်။
"ရှော့ပင်းမော့မဆောက်ခင်..ဥက္ကဌ ရာထူးကိုပြန်ပြီးတော့ စဉ်းစားစေချင်ပါတယ် "
"ဟုတ်တယ် ဒါအမှန်ပဲ ဥက္ကဌကောင်း ရှိတုန်းကဆို..ကျွန်တော်တို့နောက်ကလိုက်ရုံပဲ..."
"ဒီတော့ ရှယ်ယာရှင် အစည်းအဝေးမဟုတ်ဘဲ..ဥက္ကဌ ရွေးတင်ပွဲလုပ်ကြရအောင်.."
"ဦးဝေမင်းက ကျွန်တော့်ကိုဖြုတ်ချစေချင်လား.."
ဦးမိုးမြင့်စကားကို..ဦးဝေမင်း မငြင်းဆန်ဘဲ..၊
"ဖြုတ်ချချင်တယ်လို့ မသုံးနှုန်းပါနဲ့.စီးပွားရေးကို ရှေ့ပြေးမြင်တဲ့ဥက္ကဋ္ဌပဲ ကျွန်တော်တို့လိုချင်တာ..."
"ဟုတ်တယ် ဟုတ်တယ် "
"ဦးဝေမင်းစကားကို ထောက်ခံပါတယ် "
ဦးမိုးမြင့်မျက်နှာက..မဲမှောင်သွားရသည်။လူအများနှင့်ဆိုတော့..သူ..ဘယ်တတ်နိုင်မည်နည်း။
"ဒီတော့ ဥက္ကဌ ရွေးတင်ပွဲကို..နောက်တစ်လ ဒီအချိန်ကို ရွေ့လိုက်ကြတာပေါ့.."
