مشى هيوك فى طريقة للمدرج .. بس فجاه سمع صوت عربيه بتفرمل مره واحده وفي صوت اعجاب طالع من مجموعه كانت واقفه قريب منه .. لف هيوك ناحيه الصوت لقي دوني نازل من العربيه... نفس العربيه بتاعت growing pains... نزل دونى من العربيه لابس بنطلون جينز و تيشيرت ابيض وعليه جاكت بدله بيج و نظاره الشمس و مرجع شعره لورا .. تنح هيوك لحد ما دوني وصل قدامه .. لما دوني شاف المنظر ده .. هيوك متنح قوي و فاتح بؤه وشويه كمان هيريل .. ابتسم دوني
دوني : ايه ده هو انا عجبتك قوي كده ؟
هيوك بصوت واطى واعجاب : طبعااا
انشكح دوني لان هيون اعجبت بيه *وربنا انت اهطل يابني *
دوني قرب منها خطوة : وحشتيني
وبدون اى مقدمات رد عليه هيوك وهو بيشاور على حاجة ورا دونى : العربيه دي بتاعتك ؟
بصله دوني بصدمه وبص وراه على العربية ورجع بصله : ها .. اه بتاعتي
هيوك بدلع وعينه بتطلع قلوب والابتسامة هتشق وشه : عايزه اسوق العربيه دي
دوني بازبهلال : نعم
هيوك : عايزه اسوقهااااااا بليييز
هز دوني راسه وطلع المفاتيح وهو مش فاهم حاجه و فاتح بؤه .. وفي مجموعه ذباب ضلت طريقها ومفقودين الله اعلم راحو فين هيهيهيههييه * ايه القرف ده *
لسه هيوك هياخد المفاتيح وهو منشكح ورايح يتنطط شبه البطريق .. لقي عمله الاسود في حياته واقف جنب العربية وساند عليها ومربع ايده وبيبصله شبه ريا و سكينه .. بداو يتكلمو من بعيد بالاشارة والنظرات
تشولا .. هز راسه بمعني : امشي انجر على المحاضره يا حيوان
بصله هيوك بترجي بمعني : والنبي ياعم والنبي والنبي سبني اجربها
اتحرك تشولا حركه بمعني : لو منجرتش انا هجيلك
رجع هيوك خطوة وبصله معني بصته : والنبي مانت متحرك خليك مكانك انا همشي لوحدي
رجع هيوك لدوني وكله خيبه امل يا قلب امه اداله المفاتيح : نخليها مره تانيه بقي .. للاسف عندي محاضره ولازم احضرها
دوني : حبيبتي العربيه ليكي في اي وقت تحتاجيها فيه
هيوك وهو بيشوح : يا شيخ اتلهي انا هروح احضر المحاضره احسن هتبلع سلام
ساب هيوك دوني وراح يحضر المحاضره ومازالت وصله الشتيمه في هيون شغاله .. بس زاد عليها تشولا كمان بيتشتم .. لازم ياخد من الحب جااانب
دخل هيوك المدرج لانه كان شاف كيونا وهو داخل نفس المدرج وعرف هو هيحضر فين .. دخل المدرج لقي كيونا قاعد راح قعد جنبه و ابتدت وصله الاستغلال .. بما ان هيون قالتله يكتب المحاضرات والاخ مهما حاول ووقف علي ايده ورجله مش هيعرف يكتب المحاضره فقرر استغلال كيونا .. دخل الدكتور وابتدي يشرح .. وكيونا مووووووووس شغال نقل نقل نقل ورا الدكتور لحد ما هيطلعله كالو فى صباعه .. وهيوك باصص عليه وعينه هتطلع من مكانها علي سرعه كيونا انه يلحق ينقل ورا الدكتور .. وبعد المحاضره ما انتهت بسلام .. بدا هيوك تمثليته واستغلاله للاخ كيونا
هيوك بدلع هيون : كيونا .. كيونتي .. كيووو
كيونا بازبهلال وعينه بتطلع قلوب من دلع هيون ليه : ها !!
شاور هيوك بايده : كنت عايزه اطلب منك طلب صغنتوتى
كيونا : طبعا اؤمري
هيوك : احم بالنسبه للمحاضره دي كنت عيزاك تعملي نسخه ليها ..
كيونا باستغراب : اللي انتي حضراها معايا .. طيب ليه مش نقلتيها انتي ؟
طلع هيوك ايده قدام كيونا وهو بيمثل الالم والوجع فيها : اصل ايدي وجعاني قوي من امبارح مش عارفه امسك القلم واكتب .. عيزاك تدينى المحاضره دي و المحاضرات الجايه لحد ما ايدي تخف
كيونا بقلق مسك ايد هيوك او هيون : الف سلامه يا هيون .. مالها ايدك وجعاكي ليه ؟
سحب هيوك ايده بوجع مزيف : مش عارفه مالها .. المهم هتدينى المحاضرة ولا لاء ؟
كيونا : اكيد طبعا .. متتعبيش نفسك انا هنقلك المحاضرات كلها واجبهالك
هيوك بابتسامة : كوماوووو كيونتي
كيونا بازهلال تانى : ها !!
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
