هاااااااي 👋💙
مكنتش ناويه انزل بما ان محدش بيعبر بس نزلته لاني وعدت بنوته بيه
اتمني تعلقو و انجوي
......
فى صباح تانى يوم .. صحى هيوك على صوت تليفونه من المنبه اللى اسمها هيون .. فتح قال كلمتين وبس
هيوك : انا صحيت .. وقفل السكة فى وشها .. بيعاملها معاملة الخدامين
قام هيوك عمال يتمطع ويفرد فى جسمه ويهرش فى راسه .. ماهو خلاص بقى قاعد براحته بعد ما اتكشف سره .. ما علينا .. قام ودخل الحمام وغير هدومه ولبس ابن ناس او بنت ناس بمعنى ادق .. لبس فستان باللون الابيض وفيه نقط باللون برتقالى وشريطه تحت الصدر بنفس اللون .. والجزمة والشنطة .. وساب شعره او الباروكة نازله على ضهره .. خرج هيوك بثقة فى نفسه وكانه بيقول يا ارض اتهدى ما عليكى قدى لحد ما وصل الكلية وهناك شاف صدمه عمره
الانسة سينا .. قاعدة قدام المدرج بشخصيتها وشكلها ولبسها الدكر .. بصلها هيوك وكانت عينه هتطلع من مكانها زى عين توم وجيرى .. راح ناحيتها ووقف قدامها
هيوك بصوت واطى انما حاد : ايه الهباب اللى انتى عملاه فى نفسك ده .. اومال امبارح فضلنا نعمل ايه طول اليوم ونلف ونشترى ونغير فيكى .. عشان الاقيكى رجعتى للكارثة دى تانى
سينا : اهدى شوية .. انا بس مش واخدة ع اللبس والشكل الجديد .. حاسة انى مش لاقيه نفسى فيه .. دى مش شخصيتى
هيوك : يختى اتنيلى عليكى وع شخصيتك .. خديها منى نصيحة .. وقعى الواد الاول وبعدين لو عجبك وعايزة تكملى ف النظام الجديد كان بها .. معجبكيش ومش عايزة تكملى .. وعايزة ترجعى لنظامك القديم .. انتى حرة .. انما طول مانا موجود هنا .. هتعملى اللي هقولك عليه .. انا مش بحب افشل فى الحاجات دى
سينا : خلاص ياعم بالراحة .. من بكرة هعمل اللى انت عايزة
هيوك : وبكرة ليه ؟ .. ماحنا فيها .. ومسكها من ايدها : قومى معايا
سينا : خليها بكرة .. احنا عندنا محاضرة كمان شوية
بدا هيوك يمشى وهو بيجرها وراه زى المعزة : يبقى تنجزى بسرعة عشان نلحقها .. وبعدين خدى بالك لو كيونا شافنا .. هيجى ياخدنى ويلزق فيا .. وخليكى انتى بقى بتهرى فى نفسك
سينا : اهرى فى نفسى ليه ؟ .. ماخلاص عرفت اللى فيها وانك انت مش انتى
هيوك : ع رايك صح .. بس لما هيون تعرف تشغله وهى بنت .. وهو يقرب منى وانا شاب ومش شايفك خالص .. اعتقد انها مش تضايق فعلا .. خلاص خليها بكرة او بعده او بلاش خالص .. عن اذنك .. اروح اشوف كيونا فين
سينا : استنى استنى .. خلاص اقتنعت .. يالا بينا بسرعة عشان منتاخرش
هيوك : ما كان من الاول .. لازم تتعبينى
رجع هيوك وسينا اوضتهم تانى .. فتح هيوك الدولاب ووقف ينقى ما بينهم .. وفى النهاية طلع جيب قصيره جينز و بادي ضيق
هيوك : فى ثوانى تكونى لابسة الهدوم دى وتجيلى عشان نكمل تظبيطك
سينا : حاضر .. اخدت سينا االبس ودخلت الحمام غيرن هدومها وخرجتله
هيوك : ايوة كده بقيتى انثى تعالى هنا بقى
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
