انا مقرتش البارت فا لو ف اي اخطاء عدوها
.........
وصل تشولا وهيوك لبيت تشولا .. قعد هيوك فى الصالة ودخل تشولا اوضته وخرج بعد دقايق راح لهيوك
تشولا وهو بيمد هدوم لهيوك : قوم غير هدومك والبس الهدوم دى .. وبعدها هناكل ونقعد نتكلم شوية
اخد هيوك الهدوم من تشولا ودخل الحمام اخد دوش ولبس هدومه وخرج .. كان تشولا حضر الاكل – اكل جاهز طبعا – قعدو الاتنين اكلو وبعدها جه وقت الكلام الجد
ددخل تشولا البلكونة – الفارندة عشان الناس المحترمة اللى متعرفش البلكونة ولو انى اشك – وهو ماسك كوباية الشاى عشان يعرف يتكيف ويركز مع هيوك ويشوفو هيعملو ايه .. دخل وراه هيوك وهو ماسك كباية الشاى التانية انما المرة دى بيشربها طفاسة لا غير .. قعدوا على طرابيزة صغيرة وحواليها كرسيين بس
اخد تشولا رشفة من الشاى : سولى كلمتنى وقالتلى ان سينا معملتش اى حاجة .. من ساعة ما رجعت من الكلية وهى دخلت الاوضة ومخرجتش
اتنهد هيوك بارتياح : طمنتينى ياشيخ اللهى يطمن قلبك
اخد تشولا رشفة تانية من الشاى : قولى بقى فكرت فى حل للى حصل ده
حط هيوك الكوباية اللى فى ايده على الطرابيزة واتكلم : بص يا سيدى .. ولا سيدك الا انا
تشولا : هتغلط من اولها هحدف كوباية الشاى فى وشك وارميك من هنا
هيوك : ربنا على القوى .. ما علينا .. انا قعدت مع نفسوياتى
تشولا : بيت ام نفسوياتك دى اللى هتدخلك مستشفى الامراض العقلية قريب ان شاء الله
هيوك : ياعم اسكت شوية خلينى اقولك احنا توصلنا لايه
تشولا : ارغى ياعم الامور
هيوك : قدامنا حل من اتنين .. النسخة الشريرة اقترح .. اننا نقول على سينا انها مجنونة ومهووسة ومتربصة بكيونا .. والنسخة الطيبة اقترح .. اننا نساومها اننا نقربها من كيونا
تشولا : انتو مين بقى ؟
هيوك : قولتلك نفسوياتى ياعم الحج
تشولا : اااااه .. وبص لهيوك بشك واتكلم : الجنان هيشتغل تانى
هيوك : فكك منى ومن جنانى خلينا فى الحل ايه رايك ؟
تشولا : فى الحالتين كيونا هو الحل
هيوك : ايه يا واد النصاحة دى
تشولا : هو انت لسه شفت نصاحة .. قولى بقى يا فالح وهتعمل ايه مع هيون لما تعرف انك بتقرب كيونا من سينا
هيوك بلا مبالاه : تستحمل اللى هيحصل .. مش هى اللى حطتنا فى الموقف ده
ساب تشولا الكوباية من ايده وحط ايده تحت دقنه : افهم من كده انك استقريت على دونى .. ولا هتفكرله هو كمان فى طريقة وتبعده عن هيون
هيوك : امممم .. لسه لحد وقتى مش مستقر على راى .. بس لو نفذت الحل اللى بقولك عليه يبقى مش هيفضل قدامى غيره اقدر افصصه براحتى واشوف لو مناسب لهيون يبقى هرضى بيه ولو مش مناسب هزحلقه زى اخوه
هز تشولا راسه : ارسو .. انا من الاساس كنت بفضل دونى
هيوك بفضول : اشمعنا بقى ؟
ابتسم تشولا وشاور لهيوك عشان يقرب منه .. وفعلا التانى قرب منه زى العبيط – يا اهبل انتو قعدين لوحدكو بتقرب منه ليه – اتكلم تشولا بهمس فى ودن هيوك : وانت مالك .. وبعد عنه وبصله بصرامة : انا حر فى راى
بصله هيوك بصدمة وغضب : تصدق انا غلطان انى بسمع كلامك وبتكلم معاك
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
