بصيت سينا لكيونا اللى واقف مكانه وبنفس شكله .. وبعدها بصت لهيوك اللى مبتسم وبيشاورها بعينه انها تمشى مع شيون
حط شيون ايده ع وسط سينا وراحو ركبو العربية ومشيو بيها
وهنا يبدا الجزء الخاص بهيوك فى انه يلعب فى دماغ كيونا
بص هيوك بطرف عينه ع كيونا ورجع بص قدامه : البت سينا دى طلعت قروبة .. وميه من تحت تبن .. انا دلوقتى بس عرفت ايه سبب التغيير اللى حصلها ده .. وليه بقت مهتمة بشكلها ولبسها
بصلها كيونا : قصدك ايه ؟
هيوك : اكيد عشان خاطر المز اللى كان لسه هنا واخدها ومشيو .. بصراحة يستاهل انها تعمل اكتر من كده كمان عشانه
كيونا بسخرية : انتى شايفه انه مز .. ويناسبها ؟
هيوك : انا شايفة انه شاب ابن ناس .. ووسيم وباين عليه انه غنى يعنى هيعملها كل اللى هى عيزاه وواضح انه بيحبها كمان .. ودى اهم حاجة .. لان سينا كانت محتاجه حد يقدرها فعلا .. البنت ذكية وشخصيتها جميلة وطيبة وخجوله ولما بتحب حد مش بتشوف غيره وبيهمها سعادته حتى لو ع حسابها .. هى بس كانت محتاجه شوية تظبيط
كيونا : تظبيط بمعنى ايه بقى ؟
هيوك : يعنى كانت محتاجه تهتم بمنظرها عشان حد يقدر يشوفها وياخد باله منها
كيونا : ع فكرة دى وجهه نظر غلط خالص .. الانسان مش بيحب حد او بيعجب بيه عشان شكله ولبسه .. انما الاهم هو جوهرة وشخصيته
هيوك : طيب انا هسالك سؤال .. تفتكر فى اى حد فكر ف سينا ع اساس انها بنوتة وانسة وانه ممكن يرتبط بيها .. ولا الكل شايفها ع انها شخصية مش مهمة محدش بيعرفها او يكلمها ؟ .. تقدر تقول انها كانت شبح وسط الكلية .. انت ذات نفسك بقالك قد ايه تعرفها .. هل عمرك شفت فيها حاجة سواء فى شخصيتها او شكلها ؟ عمرك شفتها كبنت ؟ ع الرغم ان تقريبا انت كنت اكتر واحد ممكن يكلمها بالمقارنة مع غيرك من الناس .. للاسف الشباب بتقول كلام وهما نفسهم مش بيعملوه .. كل واحد يقولك الشخصية اهم .. انما من الاساس هما بينجذبو للشكل الاول .. ومهما كانت البنت شخصيتها جميلة بس مش مهتمة بنفسها او شكلها وحش محدش هيقدر يعرفها ع حقيقتها .. واكبر دليل قدامك هو سينا .. شوف الاول كانت عاملة ازاى .. اديك تعرفها من نفس الفترة اللى عرفتنى فيها بس عمرك ما اخدت بالك منها بالرغم ان شخصيتها ممكن تكون احسن من شخصيتى .. انما دلوقتى بعد ما غيرت نفسها كل حاجة حواليها اتغيرت بقى الكل بيبصلها وبيعجب بيها .. واخيرا لاقت حد حبها وفاز بيها كشكل وكشخصية
سكت كيونا ومقدرش انه يرد ع هيون .. فى الوقت ده بصله هيوك وابتسم جواه بنصر لانه قدر يزرع بذره تفكير جوه كيونا .. وقرر انه يكمل خطته
بص هيوك فى ساعته : انا لازم امشى دلوقتى اشوفك بعدين
مشى هيوك بعد ما اتم مهمته بنجاح وساب كيونا اللى كان عمال يفكر فى كلام هيون .. وانه فعلا عمره ما اخد باله من سينا بالرغم انهم اتكلمو مع بعض كتير .. وتقريبا عمره ما شاف حد معاها .. ودايما كان بيسمع الناس بتتكلم عنها انها عار ع البنات ومن الاحسن لو كانت ولد .. وكان بيسمع عنها كلام كتير مش حلو فى حقها واشاعات كتيرة لانها انطوائية .. بس هو عمره ما شاف منها اى حاجة وحشة بالعكس هى كانت كويسة جدا معاه .. وبالفعل من بعد ما غيرت نفسها بقى بيسمع كلام حلو عنها من نفس الناس اللى كانو بيتكلمو عنها فى الاول .. هل فعلا الواحد مش بيشوف غير الشكل قدامه ؟ .. وازاى هو كان بيفكر بنفس الطريقة ع الرغم انه مش مقتنع بكده ؟ .. ومن هنا بدا يفكر فى الحاجات الحلوة اللى ف سينا .. وفضلت دماغه فيها كلاب سعرانه بتجرى ورا بعض
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
