مزهرياتي اللي بيقرو منورين..
...........
تانى يوم الصبح .. صحى هيوك كالعادة على مكالمة من هيون .. بقت هى المنبه بتاعه خلاص
رد هيوك على الفون وهو نعسان : بقولك ايه وفرى على نفسك الكلام ووفرى عليا الصداع .. انا منمتش طول الليل ومش رايح محاضرات
هيون بفزع : لا هيوك يا حبيبى المحاضرة دى بالذات لازم تحضرها لان المادة دى من اهم المواد عندى مقدرش انقص فيها ولا ربع درجة بسبب الغياب
هيوك : يا هيون بقولك تعبان ومش قادر
هيون : تاخد كام من الاخر وتقوم ؟
اتعدل هيوك وقام من النوم : حبيبة قلب اخوكى ياللى فهمانى
هيون : استغلالى طول عمرك
هيوك : وليا الشرف على كده كمان
هيون : خلاص عرفنا ياعم الحج .. قوم بقى
هيوك : بالرغم انى فعلا تعبان ومصدع ومش نمت بس هقوم عشان خاطر اختى حبيبتى
هيون : ايوة ايوة واخدة بالى .. الحب ولع فى الدرة
هيوك : تصدقى الدلع خسارة فيكى .. اقفلى بدل ماولع فيكى انتى
وقفل السكة فى وشها من غير ما يسمع اى كلمة منها .. قام وحضر نفسه ونزل فى طريقة للمحاضرة وكلم كيونا عشان يستناه قدام الكلية ويدخلو مع بعض .. لان دى بقت اسهل طريقة يقدر يعرف بيها مكان المدرج والمحاضرة .. بما ان اماكن المحاضرات معظم الوقت بتتغير من مدرج للتاني .. دخلو وقعدو سوا في المدرج و دخل الدكتور وراهم و ابتدا في الشرح .. وكل الطلاب مركزين معاه طبعا الا هيوك اللي قاعد ومش عارف يعمل ايه من الملل ده .. وكيونا مش مركز معاه و مركز مع الدكتور .. فضل هيوك يبص حواليه وهو بينفخ خدوده من الملل و بعد كده حط دماغه علي البنش وراح في سابع نووومه
بعد فترة بص كيونا على هيون لاقاها نايمة ومش حاسة بالدنيا .. بص علي الدكتور وخاف لو شاف هيون تحصل لها مشاكل .. خبط كيونا هيوك في دراعه كذا مره
فتح هيوك نص عينه واتكلم بصوت نعسان : في ايه .. المحاضره خلصت ؟
كيونا بصوت واطى عشان محدش يسمعه : خلصت ايه .. قومي يا بطه المحاضره شغاله لسه
هيوك : بطه .. انت بتكلم بنت اختك
كيونا : بنت اختي ايه بس .. الدكتور هيطلع عينا لو شافك نايمة
هيوك ببرود : وانا مغمضه محدش هيعرف يطلع عيني .. ورجع غمض عينه تاني
كيونا : هتموتيني مشلول اليومين دول .. مالك هيون
هيوك : خلاص ياعم قومنا اتكل بقي .. عدل راسه و قعد كويس
كيونا باستغراب : اتكل !! انتي بتكلمي مكوجي
بصله هيوك و ضيق عينه دليل علي انه متضايق .. ابتسم كيونا و بص قدامه علي الدكتور
هيوك في نفسه : طب انا هعمل ايه وقتي بقي .. هو انا بركز في محاضراتي لما اركز فى محاضرات هيون ؟ .. وبعدين عم الحج ده * الدكتور يعنى * بيرغي في ايه من صباحيه ربنا ... مفيش غير حل واحد
وراح مطلع السماعات و الفون .. وحط السماعات في ودنه و شغل الاغاني بصوت عالي ووسط ماهو عمال يسمع اغاني و مندمج قوي و بيحرك راسه يمين و شمال .. لفت نظره كيونا اللي باصص عليه جامد و بيشاور براسه علي الدكتور
بص هيوك لكيونا وهو مش فاهم حاجه و حرك شايفيه بمعني : ايه مالك ؟
كيونا هو كمان بيحرك شفايفه : كلمي الدكتور
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
