تاني يوم في المحاضره كان هيوك قاعد زي قلته مجرد فرد زياده في المدرج وخلاص .. فقرر كالعادة انه ينام عشان يهرب من ملل المحاضرات وكيونا بيدارى عليه .. وبعد المحاضرة ما خلصت اخد مصلحتة طبعا من كيونا وسابه وخلع .. وخرج من المدرج وهو بيتمني انه يطلع ميلاقيش دوني واقف زي اليوم اللي قبله .. بس للاسف امنيته مش اتحققت .. لانه لما خرج لاقي دوني في وشه
راح دوني بسرعه ناحية هيوك : ازيك ؟
هيوك بنبره صوت هيون بس كانت نبرة متغيره ممكن احباط لانه لاقي دوني .. بس دوني اخدها علي ان هيون زعلت منه : تمام
دوني باسف : حبيبتي بجد انا اسف اني مشيت امبارح ومش استنيتك بعد المحاضرات .. بس انا رنيت عليكي كتير علشان اقولك
هيوك : خلاص محصلش حاجه
دوني باصرار : لا صوتك باين انك لسه زعلانه والله كان غصب عني .. اصل بابا كلمني و كان عايزني فى الشركه علشان في مشاكل هناك وكان لازم اروح
هيوك بملل : خلاص حصل خير
وقف دوني قدام هيوك ومسكه من دراعاته الاتنين بالراحة : بجد سامحتيني .. طب قولي اي حاجه انا ممكن اعملهالك علشان اضمن انك سامحتيني
سحب هيوك دراعاته من ايد دونى واتكلم بملل اكبر : يابني حصل خير .. يا بابا حصل خير .. ياخويا حصل خير .. اقولك ايه تانـ..... سكت هيوك عن الكلام مرة واحدة
دوني لسه هينطق بصله هيوك وابتدت عينه تطلع قلوب تاني
هيوك : عايزني اسامحك ؟
دوني بسرعه : اااايون طبعا قولي اي حاجه وانا اعملهالك
هيوك مد ايده قادمه : هات مفاتيح العربيه
طلع دوني المفاتيح من غير اي نقاش واداها لهيون
لطش هيوك المفاتيح بسرعه وجري ركب العربيه مكان السواق و دوني راكب جنبه .. ابتدي هيوك يسوق براحه لحد ما طلع من الكليه وبقي علي الطريق .. وبمجرد ما كاوتش العربيه لمس الاسفلت بره الجامعه .. اتحولت العربية بقدره قادر من عربيه الي طياره .. ساق هيوك بسرعه جامده جدا خلي دوني جاله ازبهلال .. ازاي بنت بتسوق بالسرعة دى وبسهولة كده وبالطريقة دى
لحد ما وقف هيوك في مكان وهو مبتسم ابتسامه شقت وشه نصين من وسعها و دوني بيحاول ينظم انفاسه اللي تقريبا كانت رايحه
هيوك بعد ما هدي شويه من فرحته : احم احم نرجع بقي
دوني : لااااااااا نرجع فين انا ماصدقت خرجنا .. تعالى نروح مكان نقعد فيه
هيوك : نروح فين ؟
دوني : نهر الهان ملتقي الحبيبه
هيوك باستهزاء : ملتقي مين يا حيلتها ؟
دوني بابتسامه بلهاء : الحبيبه
غمض هيوك عينه وفتحها تانى باحباط واستسلام : طب تعالي سوق انت بدل ما ادخل بينا فى حيطه
نزل هيوك و دوني و بدلو الاماكن و ساق دوني شويه لحد ما وصلو لنهر الهان .. نزلو وقعدو علي العشب اللى قدام النهر
دوني : قوليلي انتي اتعلمتي السواقه فين بالطريقه دي ؟
هيوك باندفاع : انا عشقي العربيات وبحب السواقه جدا ووقت ما ابقي بسوق مش بعرف امسك نفسي
دوني باعجاب : وااااااااااا عرفت عنك حاجه جديده .. اللي يشوفك ميقولش عليكي انك بتسوقي بالطريقه دي
برطم هيوك بصوت واطى : ولسه ياما هتعرف
دوني : ها !!
هيوك بابتسامة بهاء : لا مفيش
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
