هيوك : اااايون
شيون : هيوكى حبيبى عايز منك خدمة
هيوك : ااومرنى يا سيد الناس .. عايز فلوس يابن الناس الاغنياء
شيون : بطل حقد يا اخى .. انا حاسس اننا هنفلس بسبب حقدك
هيوك : انا مش بحقد .. انا بقر بس .. المهم ارغى .. عايز ايه ؟
شيون : بصى يا بيضة .. انا محتاجك قوى .. عايزك تيجى معايا بالليل تمارسى هواياتك كانثى .. اصل البت اللى كانت هتيجى النهاردة اديتنى الصابونة
هيوك بازبهلال : نعم وحياه امك .. اجى فين ؟.. هو انا عجبتك ولا ايه ؟.. قول ومنتكرش ان عينك منى
شيون : اكدب عليك لو قولت انكى مش عجبانى يا بيضة
هيوك : انت اتهبلت ياض .. انا راجل زى زيك .. وارجل منك كمان
شيون : دايما تفكيرك رايح لبعيد .. بس انا كمان دماغى ضايعة وممكن تروح لهناك
هيوك : كلامك ملوش معنى تانى .. محتاجنى .. وعايز هواياتى كانثى .. وبالليل .. هتكون عايز منى ايه يعنى .. نلعب شطرنج مع بعض ؟
شيون : افهم يا غبى .. ف بت لازقة لاخوك ف كل مكان اروح الاقيها ورايا زى الاتب طالع ف ضهرى .. وانا بصراحة زهقت مش عارف اخد راحتى وف نفس الوقت مش عايز اقولها كلمة تضايقها .. قمت عملت خطة .. اتفقت مع واحدة صحبتى بس ايه مززززة .. ومفروض كانت هتيجى تسهر معايا وتدلع عليا واهتم بيها ومش ههتم بالبت اللازقة .. وبكده اخلص منها بسهولة .. بس المشكلة بقى ان المزة اللى كانت هتيجى تعمل العمل الانسانى ده فيا .. ادتنى خازوق ومش هتقدر تيجى .. قوووووم ايه بقى .. قلبتها ف دماغى ملاقتش غيرك يا بطتى
هيوك : يا وكستى .. لا حنين يا واد من يومك .. والمطلوب منى اجى اعمل دور البت اللى تدلع عليك .. وانت اصلا صايع وماهتصدق
شيون : متنساش انى بساعدك ف الحوار بتاع سينا .. ولو مجتش هفضح الدنيا كلها
هيوك بجدية : انت بتهددنى يا واطى .. طيب مش هاجى يعنى مش هاجى
شيون بحدة : هيوك
ف ثانية رجع هيوك ف كلامه : المعاد امتى يا كبير .. متزعلش نفسويتك .. انا تحت امرك
شيون : ايون كده اتعدل .. النهاردة الساعة 8 الاقيك ف الديسكو
قفل هيوك وشيون .. بص هيوك للفون : واطى .. وتف عليه
سينا : ف ايه ؟
هيوك بصوت هيون : عندى طالعة النهاردة .. وضحك ضحكة رقيعة
قعد هيوك وحكى لسينا الكلام اللى دار بينه وبين شيون .. وطبعا لازم يحسسها بالذنب وانه بيعانى عشان خاطرها .. وبعد شوية قام ياخد دوش ويحضر نفسه .. لبس جيبة جلد قصيرة سودا .. وبادى كات احمر .. ومسيب شعره .. وحاطط مكياج تقيل ولبس جزمة بعكب عالى سودا ..
وصل هيوك الديسكو وهو متشيك ومستعد للدور اللى هيمثله ع الاخر .. دخل وفضل يدور ع شيون بعينه بس ملاقهوش .. اتصل بيه .. ورد
شيون : ايون
هيوك : انت فين يا جزمة انا وصلت ومش لاقيك
شيون : انا جاى ف الطريق .. قربت اوصل .. المهم كله تمام ؟
هيوك : تمام يا خويا .. اخلص بسرعة
شيون : ماشى مسافة السكة
قفل هيوك الخط واتنهد واتكلم بصوت واطى : طيب ومن هنا لحد ما يجى الواد ده هعمل ايه ؟.. لو كنت جاى بشخصيتى الحقيقية كنت عرفت اسلى نفسى شوية .. منك لله ياللى عملتى فيا كده
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
