بعد ما سينا رجعت اوضتها ولاقت هيوك لسه نايم غيرت هدومها وبدات تشغل نفسها لحد اخر النهار ..واخيرا قدرت انها تصحى هيوك
سينا : يابنى قوم عشان تعرف تنام بالليل .. مينفعش كل يومين تغيب عن المحاضرات
هيوك : خلاص خلاص قمت اهو .. كله من شيون .. قولتله يسيبنى امشى بدرى بس اغرانى عشان اسهر معاهم
سينا : انا توقعت كده لانه مجاش النهاردة .. ع فكرة الواد ده هيضيعك
هيوك : مانا عارف .. اصبرى عليا لما اخد دش وافوق واحكيلى حصل ايه النهاردة
قام هيوك ودخل الحمام اخد الدش التمام وخرج من الحمام بيغنى وعمال يلعب ف شعره .. وسرحه وقعد جنب سينا
هيوك : احكى يا شهرزاد .. احكى لشهريار .. مش عارف تعملى ايه لطلوع النهار
سينا : ومادام مش عارف بتغنى ليه ؟
هيوك : اهو كيفى كده .. هتحكى ولا اقوم ؟
سينا : محصلش حاجة حضرنا المحاضرات وقعدنا اتكلمنا شوية .. قالى انه مش مرتاح لشيون ومش عايزنى اديله الامان وكان فاكر انى اتغيرت عشان شيون .. بس قولتله الحقيقة
هيوك : حقيقة ايه ياهبلة اللى قولتيها .. اوعى تكونى فضحتى كل حاجة قدامه
سينا : لا مش كده .. قولتله انى مش بحب شيون وانى بحب حد تانى وهو مش حاسس بيا وانا اتغيرت عشانه .. قالى انه اكيد الشخص ده هيحس بيا ف يوم من الايام
حط هيوك ايده ع دماغه : يوم من الايام !! .. بيت ابو بروده .. الواد ده حجر .. انا مش فاهم انتى بتحبى فيه ايه
سينا : ما خلاص بقى انت كل شوية لازم تقولى الكلمتين دول .. بحبه وخلاص
هيوك : طيب يختى اشبعى بيه
مر باقى اليوم بدون احداث جديدة .. وتانى يوم قدرت سينا وهيون يصحو هيوك عشان يروح الجامعه .. وبالفعل راح هو وسينا وقابلو كيونا وعدت محاضراتهم ولما خرجو جه دونى اخد هيوك ومشيو بسرعة .. بعدها وصل شيون وكان هياخد سينا بس المرة دى حصل حاجة جديدة .. مسك شيون ايد سينا عشان يمشو بس وقفه صوت كيونا
مسك كيونا ايد سينا من الناحية التانية : سينا مش هتروح معاك ف حتة
بص شيون وسينا ع كيونا باستغراب .. رد عليه شيون ببرود : ومين اللى هيمنعنى ؟
كيونا بتحدى : انا اللى همنعك .. ومن هنا ورايح مش هسيبها تروح معاك
شيون : وده بصفتك ايه ؟
اتردد كيونا : بصفتى صديقها
سحب شيون ايد سينا من ايد كيونا جامد وابتسم ابتسامة جانبيه : مش سبب كافى يقدر يمنعنى
وشد سينا بسرعة ومشيو وسابو كيونا متضايق اكتر من اى مرة .. ركبت سينا العربية وهى ف قمة سعادتها وف نفس الوقت متلغبطة .. كانت عايزة تسيب شيون وتروح لكيونا بس شيون منعها
شيون : اعقلى .. ومتبوظيش كل حاجة .. الخطة بدات تنجح .. هو عايز يستوى شوية كمان عشان نوصل للى احنا عايزينه
سينا : يعنى اللى حصل ده كان بجد .. انا مش مصدقة نفسى
قرصها شيون ف دراعها : صدقتى دلوقتى انه حقيقى
حطت سينا ايده ع دراعها : انا كنت بتكلم بتعبير مجازى .. مكنش لازم تقرصنى
شيون بلا مبالاه : افتكرتك محتاجة حد ياكدلك انك مش بتحلمى .. بس عشان متزعليش انا عازمك ع الغدا بمناسبة الانجاز اللى حصل النهاردة
سينا : طيب وتشولا هتعمل فيه ايه .. انت ناسى انه دايما بيستنانا
شيون : ايوة صح .. خلاص ناخده معانا .. وراحو ف طريقهم لتشولا
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
