بص هيوك لسينا وابتسم فى نفسه : واضح ان شكى طلع فى محله .. والبت دى بتحب كيونا .. وهو ده السبب فى بعدها عن هيون
بصت سينا لهيون او هيوك بمعنى ادق : ياريت تاخدى بالك منه وتحافظى عليه اكتر من كده لانك مش هتلاقى حد زيه .. ولو مش هتقدرى يبقى ابعدى عنه ..يمكن وقتها يقدر يلاقى حد يحبه بجد ويهتم بيه ويحافظ عليه
هيوك : واضح انك مهتمة بيه قوى
سينا بارتباك ووشها احمر : انا .. لالا .. مش .. انا بس .. انا كنت بحاول اوضحلك حاجة بس يمكن تكون غايبة عنك
هيوك بنص ابتسامة : انتى فعلا وضحتيلى حاجة مهمة قوى
سينا بتحاول تهرب من الموضوع : احنا هنفضل نتكلم كتير .. انا بقول خلينا فى المذاكرة احسن
هيوك : اكيد .. بس انتي اللي هتشرحي عايزه اشوف مستواكي ومسكتك الكتب طول اليوم نافعه معاكي ولا ايه
سينا : اوك
ابتدت سينا تشرح وعم هيوك سااافر الي كوكب البطيخ و شكله هيطول هناك .. كل اللي همه انه لازق في البت و خلاص .. عدي نص اليوم و سينا شغاله مذاكره و شرح لحد ما دماغ هيوك ورمت
هيوك : انتي متعبتيش ؟
سينا : من ايه ؟
هيوك: من ايه .. لا ولا حاجه انتي فله .. استمري
وقام راح ناحيه سريره وساب سينا قعدة وسط الكتب كانها قعدة فى الجنينة والورد حواليها من كل مكان
سينا : ايه مش هتكملي معايا ؟
هيوك : لا يا حجه انا مخي بيطالب العون و الاغاثه وشكله هيرفع عليا قضيه
سينا : ها
هيوك : هنام .. هناااااام
سينا : اهااا .. تصبحي علي خير
هيوك : وانتي من اهله ياختي
نام هيوك في محاوله بائسه ف الصلح مع مخه بعد المقلب اللي مش لطيف اللي حصل فيه و رجعت سينا تكمل دراستها
بعد حوالي ساعتين قام هيوك من النوم .. دخل الحمام ظبط نفسه وغير هدومه .. ورايح فى اتجاه الباب
سينا : انتي رايحه فين ؟
هيوك : هتمشي شويه .. تيجي معايا ؟
سينا : لا مليش نفس
هيوك : يا شيخه تعالي هنتسلي وسيبى المذاكرة شوية
سينا : مره تانيه هيون
هيوك : خلاص خلاص مش هتاخر
خرج هيوك اتمشي لوحده بما ان الجو اتاخر فمينفعش انه يخرج بره بيت الطالبه .. اتمشي فى قلب المبني بيتفرج على البنات و يعاكس شويه بس فى سره طبعا .. وبعد ساعتين رجع الاوضه كانت سينا نامت
هيوك : انتي نمتي من دلوقتي ده النهارده اجازه… محاضرات مذاكره نوم محاضرات مذاكره نوم .. اييه انتي مبتزهقيش
وراح هيوك اترزع علي سريره و طلع الفون و قعد يشات مع اصحابه لحد ما نام .. و بكده خلص يوم الاجازه اللطيف بكل ما تحمل الكلمه من معني **كذاب يابو صلاح**
تانى يوم بعد ما خلص هيوك المحاضره و طالع دماغه فيها حمار عمال يلف حوالين نفسه مش فاهم اي حاجه في اى حاجة .. ولا فاكر نص كلمة من المحاضرة ولا كانت بتتكلم عن ايه اصلا واكييييد مش عارف اسم الماده اللي كان فيها ايه
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
