اتفاجئ هيوك من رجوع سينا ودخولها وهو بالمنظر ده وفتح عينه على الاخر من المصيبة دى .. بس فاق على صوت سينا وهى بتصرخ وبتلف عشان تخرج من الاوضه .. جرى هيوك بسرعة وكتفها من ظهرها وكتم بؤها بايده
هيوك بصوت واطى : اهدى .. انا هيون
حاولت سينا تصرخ تانى بس هيوك كاتمها .. وبتحاول تفرفس منه .. بس هو ماسكها باحكام
هيوك : اهدى عشان اعرف اتفاهم معاكى وبطلى حركة .. انا هيون او بمعنى ادق هيوك اخو هيون التؤام
بطلت سينا حركة ما بين ايده .. وبطلت تصرخ بس كانت لسه مخضوضة وعماله تتنفس بسرعة .. بص هيوك على نفسه .. واتنهد بخيبة وضيقة لانه واقف بالشكل ده طرزان .. وقرر انه يلبس اى حاجة تستره – اخر ما افتكرت ياعم الحران –
هيوك : امشى معايا ومتخافيش مش هعمل حاجة
ملقاش اى رد من سينا اللى تقريبا كانت فى صدمة ودماغها بتحاول تجمع الموقف .. اتحرك هيوك وهو مكتف سينا وراح ناحية الدولاب
هيوك : انا هسيبك عشان البس حاجة ونعرف نتكلم .. ارجوكى خليكى هادية
بدا هيوك يفك ايده من على سينا وشال ايده من على بؤها .. طلع بنطلون جينز اسود وسويت شيرت واسع لونه اخضر فى اسود .. وقبل ما يبدا يلبس اخيرا فاقت سينا من صدمتها وطلعت تجرى بره الاوضه .. بصلها هيوك بفزع وفى ثوانى كان لابس البنطلون والسويت شيرت ونط فى اول كوتش قابله وسحب الباروكة حطها على راسه والفون اللى قدامه وطلع جرى من الاوضه .. قبل ما سينا تبلغ عنه لمشرفة المكان والامن
بعد دقاق كان هيوك بالفعل خارج مساكن الطالبات لانه كان بيجرى بسرعة كبيرة .. كانه حرامى وهربان .. بعد شوية عن المكان ووقف سند على ركبته وهو بيتنفس بسرعة .. بيحاول ياخد نفسه بعد الجرى ده والموقف الزفت اللى حصله .. بعد ما انفاسه اتظبطت .. طلع فونه اللى فى جيبه واتصل برقم امه .. ردت عليه هيون
هيون : يوبوســ...
قاطعها هيوك : احنا فى مصيبة
هيون بقلق وخوف : حصل ايه ؟
حكالها هيوك كل اللى حصل .. وهى كل شوية تشهق من الخوف
هيون بفزع : يادى المصيبة .. اكيد سينا هتبلغ عن اللى حصل
هيوك بتوتر : مش عارف هى هتعمل ايه بالظبط
هيون : طيب والحل ايه .. انا دماغى وقفت ومش عارفة افكر
هيوك بصوت عالى : اكيد مش هرجع هناك تانى .. انا معنديش استعداد انى اتحبس
هيون : هيوك اهدى خلينى اعرف افكر واشوف هنعمل ايه
هيوك : اى كان اللى هتوصليلة انا مش راجع
هيون : طيب انت فين كده ولا هتروح فين ؟
هيوك بضيقة : مش عارف هروح فين بمنظرى ده .. وكمان مش معايا فلوس خالص عشان اركب اى حاجة توصلنى لبيتى .. وفى نفس الوقت لو كلمت اى حد من اصحابى استحاله حد فيهم هيرد لانهم نايمين الصبح
هيون : خلاص خلاص .. اقفل وقتى وانا هكلم تشولا اخليه يعرف اللى حصل واخليه يجيلك ياخدك
هيوك : ارسو .. انا هتمشى لحد ما اوصل لاقرب محطة اتوبيس واقعد هناك
هيون : ارسو
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
