تانى يوم الصبح في الكليه كان فاضل علي معاد المحاضره ساعتين كانت سينا قاعده علي مقعد الرخام بتاع الكليه و ماسكه كتاب في ايدها مركزه فيه قوي و مش مهتميه باي حاجه حواليها
وفي الجهه التانيه كان هيوك لسه قافل مكالمة مع كيونا بعد ما طلب منه انه يستناه علشان يذاكرو سوا وطبعا بما ان هيوك بيحب المذاكرة والدراسة قوى وكمان بيسمع كلام اخته هيون لما قالتله ميزعلش كيونا - كدب * كدب طبعا – على هذا الاساس قرر الاخ المبجل انه ميستناش كيونا مكان ما اتفقو وياخدله جولة فى الكلية ويلف فى المناطق المجاورة .. لحد ما شاف سينا ماسكه الكتاب و تقريبا منفصله عن العالم المحيط بيها و مركزه فى الكتاب قوي
هيوك بتريقة فى سره : يخرب بيتك انتي مش بتتهدي .. ايدك مش بتفضي من الكتب ابدا .. ايه انتى لازقة الكتب فى ايدك
فجاه رن تليفون هيوك كان المتصل كيونا
هيوك : نعم
كيونا : انتي فين ؟
هيوك ببرود: ليه .. عايز ايه ؟ .. - ياعينى يا كيونا .. الواد هيوكى ناوى يشلك بالطريقة دى .. بعد الشر طبعا على الماكنى الشورير -
كيونا باستغراب : عايز ايه ؟.. احنا مش متفقين نتقابل علشان نذاكر و نشوف التقرير اللي مطلوب منا
هيوك : اووبس تصدق صح .. طب تعال انا واقفه عند ****
وقفل هيوك مع كيونا وبعد دقايق كان كيونا شاف هيون ونادي عليها علشان تاخد بالها منه و تروحله .. بس اللي ميعرفوش انه مجرد ما نطق ده كان سبب كافي انه يخلي قلب حد يخرج من مكانه و يطير وهو بيغني و اطير و ارفرف في الفضاء تيرا و عينها تطلع قلوب و عمو كيوبيد يرقص حوالين راسها .. الاخت سينا اللي مجرد ما لمحت كيونا سابت الكتاب الي كان لابس فى وشها من صباحيه ربنا و الابتسامه ملت وشها و هي متنحاله
نسيب الاخت فى الحاله اللي هي فيها و نروح للاخوه الاعداء .. هيوك اللي اول ما شاف كيونا راح عليه وهو مبتسم و فرحان وهو شايف كيونا كاتم غيظه علشان ميزعلش هيون منه
كيونا : انتي بتعملي ايه هنا ؟
هيوك بلا مبالاه : مفيش بس مليت و قولت اتمشي
كيونا : بس احنا كنا متفقين نتقابل
هيوك : نسيت
كيونا : نسيتي !!
هيوك : اهاا
كيونا : ماشي
هيوك بدلع : انت زعلت .. طب متزعلش انا كنت بهزر معاك - ممكن نقول بيسلك اموره الاخ علشان ياخد اللي هو عايزه ومحدش يفهم غلط باللي هو عايزه –
ابتسم كيونا و سامح الاخت علي طول - مش عارفه لان قلبه طيب ولا ده هبل - المهم بعد ما ابتسم : خلاص محصلش حاجه
هيوك : طيب يلا بقي علشان نخلص و منتاخرش على المحاضره
مشي كيونا و هيوك متوجههين للمكان اللي هيذاكرو فيه .. بس هيوك افتكر سينا فرجع بص عليها وهما ماشين لقاها لسه باصه علي كيونا و مركزه و متنحه و بؤها باين جاله حاله تشنج من كتر الابتسامه و علق علي الوضع ده
هيوك في سره : ههههههههه انا كده بقيت متاكد .. الاخ سينا معجب بكيونا .. وبعدها ابتسم بخبث .. يبقي مفيش مانع لو لعبت شويه
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
