دق جرس الباب ففتح طارق، كان أبوه هو الطارق، دلف أباه، وأعطى لزوجته آمال مايحمله من فاكهه..
دلف موسى وسلم عليهم كلهم،وغير ملابسه وأخد حمامه ولبس وخرج ليجلس معهم
موسى: تعالي ياورد تعالي لحضن بابا.
ألقت الصغيرة نفسها عليه فأخذها في حضنه وضمها وأخذ يقبلها وهي تضحك وتقول بابا.
آمال: شوف البت قاعدة اهشتك فيها طول النهار والليل وفي الاخر تقول بابا .فنظرت لها الصغيرة وأخذت تتحرك بسرعة وتتجه ناحيتها وألقت نفسها على أمها وهي تقول ماما.
آمال: حبيبة قلب ماما من جوا انتي يانور عيني وروحي.
يوسف: ياماما عايز اكل بقى انا جعت بابا جه اهو . هاتي ورد اشيلها شوية.
آمال: والنبي ماحد فارسني غيرك انت خد اهي واقعد بيها على الارض احسن ودين النبي لو سمعتها بتعيط هقطع الشبشب على وشك.
يوسف: لا والله ياماما مش هتعيط.
اخذها يوسف وحملها وجلس على الارض لحين إنتهاء أمه من تحضير الطعام.
نظر الأب موسى لولده طارق نظرة فاحصة هاتفا
موسى: ايه ياطارق مالك اللي واخد عقلك.
طارق: لا يابا مفيش حاجة انا زي الفل اهو.
موسى: ياك تكون زعلانة عشان اللي ماتتسمى دي خطوبتها النهاردة.
طارق بابتسامة: خلاص يابا رميت ورا ضهري مش زعلان والله ابنك مش خرع ولا طري ولا زي شباب اليومين دول.
موسى بابتسامة: ايوة كدا هو ده ابني اللي اعرفه ربنا ينولك اللي تحلم بيه يارب .. قولي ياطارق هو انت بتحلم تبقى ايه!
طارق: بص يابا انا نفسي اكون صاحب سوبر ماركت وفي دماغي مكان جميل أوووي، مكان صح الصح ده لو اتفتح سوبر ماركت هيقفل الدنيا كلها وانا خير من يديره لاني ايدي في المهنة وفهمت الدنيا ماشية ازاي في حوار السوبر ماكت.
موسى: وده يتكلف اد ايه ده يابني!
طارق: الارض لوحدها بحوالي ٥ مليون جنيه . اه ماهو انا مش هفتح سوبر ماركت صغير واي كلام لا داانا هجيب فيه كل حاجة تخطر على بال الزبون عشان مايروحش لغيري . .. الارض فضاء لوحدها ٥ مليون جنيه زي ماقلتك يابا وتكلفة البناء قول مليون جنيه او مليون ونص ماانا هظبطه صح الصح .
ووتكلفة البضاعة قول مليون ونحط على جنب كدا مليون للزنقة.
موسى: يعني قول الحسبة كلها في حدود ١٠ مليون صح كدا؟.
طارق: اه صح يابا في الحدود دي، ايه معاك العشرة مليون ولا ايه يابا ابهرني.
موسى: ههههههههه يسمع من بوقك ربنا.
آمال جائت وهي تحمل صينية الطعام وتضعها أمامهم قائلة: بسس سكوت الاكل وصل بطلوا كلام ورغي،
وضعت الصينية أمامهم وشرعوا في الاكل حتى أنهوا طعامهم.
أنت تقرأ
عامل السوبر ماركت
Abenteuerطرق متفرقة من طريق واحد، حتما ستلتقي طرقنا يوما ما ذلك الشاب الذي يحلم، ومن منا لا يحلم
