بيتر: بقولك خلصت شغل ولا لسة!
طارق: لسة مخلص دلوقت اهو، في حاجة ولا إيه!
بيتر: لا مفيش، المهم ماتتغداش ماما باعتة معايا غدا ليك بقولك ايه مكرونة باشيمل وفراخ ايه ماقولكش . وماتقولش لا والشغل ده عيب، انا وربنا مااتغديت وشيلت الغدا بتاعي عشان نتغدا سوا ومولر كمان نازل معانا اخلص اطلع انا مستنيك في العربية جنب السوبر ماركت.
خرج طارق بعد أن ودع عماد وخالد والعم ميمي، وذهب إلى بيتر فوجده هو وأخيه بسيارتهما فركب السيارة أدار بيتر المحرك وذهب إلى مكان على كورنيش النيل كما أراد طارق،
جلسوا ثلاثتهم ووضع بيتر مفرشا جلبه معه ووضع الطعام عليه وجلسوا يأكلون باستمتاع.
مولر: ايوة ياعم دانت طلعت جامد وانا معرفش.
طارق: ايه ياجدعان في ايه جامد ايه! وبتاع ايه دانا غلبان.
مولر: غلبان! هو إللي يقدر يوقع كارما يبقى غلبان! دانت كدا كأنك بنيت هرم رابع.
طارق: لا ياجدعان هرم ايه ووقعت كارما ايه، أنا بحبها مش بتسلى.
مولر: برضو مايمنعش انك جامد.
بيتر: طب اسأل مولر كدا في الجامعة كذا واحد حاول يتكلم مع كارما وهي كانت بتبستفه.
مولر وقد انهى طعامه واستلقى على النجيلة قائلا: اه ياضهري يانا يامه بس ايه ياض يابيتر امك عاملة مكرونة بشاميل ايه عنب، ايه رأيك ياطارق!
طارق: وربنا عنب العنب كمان تسلم ايد الدكتورة منيرة.
بيتر: قوم يامولر هات من العربية كاتل فيه شاي سخن.
مولر: اوباااااا دانا نسيته على الباب هناك د امك هتشلوحك لانها شافتك انت اللي اخدته يامعلم.
طارق: خلاص مش مشكلة انا كدا كدا مش بشرب شاي ولا حاجة ساقعة.
بيتر: لا ياحبيبي انت مش بتشرب لكن انا بشرب.
مولر: وانا كمان بشرب.
طارق: خلاص ياجدعان قايم اهو، اجيب ايه طيب بيبسي ولا كولا ولا ايه بالظبط.
بيتر: انا عايز كولا.
مولر: وانا هاتلي بيبسي بس ايه مشبرين وحيات ابوك.
ذهب طارق واشترى من كشك بجوارهم، كولا وبيبسي وعاد وقدمهما لبيتر ومولر ..
مولر: تعرف ياطارق انا كان نفسي اطلع لاعب كورة بس الحظ بقى، الحلو مش بيكمل طبعا عارف الحادثة اللي حصلتلي ودي كانت السبب في عدم التحاقي بأي نادي.
طارق: ماتزعلش يمكن كنت تلعب وتتصاب اصابة تقعدك طول العمر عاجز ماحدش عارف الخير فين.
بيتر: عندك حق ياطارق انا بقى نفسي اكبر كدا زي بابا ويبقى ليا شركاتي الخاصة بس ده طبعا مش هيتم الا بمساعدة بابا.
أنت تقرأ
عامل السوبر ماركت
Adventureطرق متفرقة من طريق واحد، حتما ستلتقي طرقنا يوما ما ذلك الشاب الذي يحلم، ومن منا لا يحلم
