Unicode
'Paradis sur terre' soundtrack list - 🦋
• Young and Beautiful
• Video Games
• Brooklyn Baby
• Yes to Heaven
( All Songs Artist - Lana Del Rey )
°•°•°•°•°•°•°•°•°•°•°•°•°•°•°•°•°•°•°•°•°
ကားပေါ်ကနေ ခြေတစ်လှမ်းချလိုက်တာနဲ့ ကားထဲက အဲကွန်းလေနဲ့ အပြင်လေထုရဲ့ ကွာခြားချက်တစ်ခုက ခန္ဓာကိုယ်ပေါ် သိသိသာသာလွှမ်းခြုံအုပ်တာကို ခံစားရသည်။ မျက်စိရှေ့က နန်းတော်ကြီးတစ်ခုလိုတည်ရှိနေတဲ့ အဆောက်အဦးထဲက Wedding အခမ်းအနားပွဲဆီသို့ ဦးတည်လိုက်တော့ အစောင့်တစ်ယောက်က သူ့ကိုအပြေးလာသတိပေးသည်။
" ဆရာ ဆရာ ဒါလေးမေ့နေတယ် "
ကတ္တီပါနတ်ပြာရောင်ဘူးလေးထဲက အဖြူရောင်ပိတ်စလေးပေါ်မှာ လှလှပပလဲလျောင်းနေတဲ့ မျက်လုံးတစ်ပိုင်းဖုံးရုံမျှ မျက်နှာဖုံးလေးသည် သူ့ကိုချန်ထားရစ်ခဲ့တဲ့ ကိုယ့်ကို မျက်စောင်းထိုးနေဟန်။ Chanyeol တစ်ချက်ရယ်လိုက်ပြီး ထိုမျက်နှာဖုံးလေးကို အသာယူကာ သေသေချာချာတပ်ဆင်လိုက်၏။
လက်ထပ်ပွဲဖိတ်စာနဲ့အတူ မျက်နှာဖုံးဘူးလေးပါ ထည့်ပေးတယ်ဆိုကတည်းက ဒါလေးကိုတပ်လာစေချင်လို့မဟုတ်လား။ သူငယ်ချင်းဖြစ်သူရဲ့ လက်ထပ်ပွဲ Night Party Idea လေးကို Chanyeol မဖျက်စီးချင်ပါ။
အထဲကိုဝင်လာတော့ များပြားတဲ့လူတွေရှိတဲ့ပါတီပွဲကြီးသည် သူ့ကို အထက်တန်းကျကျပင် ကြိုဆိုလိုက်သည်။ အားလုံးရဲ့မျက်နှာထက်မှာလည်း အရောင်အသွေးစုံလင်တဲ့ မျက်နှာဖုံးတွေရှိနေပြီး ဟိုတစ်စုဒီတစ်စုဖြင့် စကားစမြည်ပြောနေကြသည်။ တစ်ယောက်နဲ့တစ်ယောက် လက်ခံရရှိတဲ့ မျက်နှာဖုံးဘူးလေးတွေ မတူတာဟာ ဒီညရဲ့ အလှတရားတစ်ခုပင်ဖြစ်လို့နေပြီး သူရသည့်မျက်နှာဖုံးလေးကတော့ အဖြူနဲ့အနက်ကို လှလှပပ ရောစပ်ထားတဲ့ တစ်ခုဖြစ်၏။
စားပွဲလွတ်တစ်လုံးဆီ ဟန်ကျကျလျှောက်လာခဲ့ပြီး Chanyeol တစ်ယောက်ထဲ နေရာယူလိုက်သည်။ လက်ရှိအနေအထားမှာ အားလုံးဟာ မျက်နှာဖုံးလှလှလေးတွေ ကိုယ်စီတပ်ထားတာကြောင့် ရင်းနှီးသည့်လူဆိုတောင် နှာခေါင်းတစ်ဝက်မှ မေးစေ့အထိပဲ မြင်ရတဲ့ ရုပ်ပန်းသဏ္ဍာန်ကို မှန်မှန်ဖတ်နိုင်မှ လာနှုတ်ဆက်လို့ရမည့်ပုံစံဖြစ်နေသောကြောင့် အချိန်တစ်ခုကြာသည်ထိ စားပွဲမှာ သူတစ်ယောက်တည်း ဖြစ်နေရပါ၏။ သတို့သမီးဖြစ်သူ မိမိသူငယ်ချင်းကတော့ မျက်နှာဖုံးတပ်ထားလည်း အလှဆုံး Wedding ဂါဝန်ဖားဖားကြီးအောက်မှာရှိနေသည့်တစ်ဦးတည်းသောသူမို့ ခွဲခြားရမခက်ပေ။ အမျိုးသားလက်ကိုချိတ်ကာ လိုက်နှုတ်ဆက်နေသော ကောင်မလေးကို Chanyeol တစ်ယောက် ပြုံးလျက် ကြည့်နေမိ၏။ ကိုယ့်သူငယ်ချင်းတွေ တစ်ယောက်ပြီးတစ်ယောက် မဂ်လာဆောင်တာကိုပဲ လိုက်တက်နေရတဲ့သူ့ကို လှောင်ဖို့၊ရယ်ဖို့ Seoyoung တစ်ယောက် အနားရောက်လာဦးမှာပါ။
YOU ARE READING
Paradis sur terre「 ChanBaek 」
Fanfiction• I once was a poison ivy but now i'm your daisy 🗽 ______________________ Season - 1 of Paradis sur terre by: slaysakura 16.7.23
