Unicode
စနေနေ့ညတစ်ညလုံး အိမ်ကပျောက်သွားသည့်အပြင် Sunday အိမ်ထောင်ဖက်တွေ့ရမယ့်အချိန်ကိုပါ နောက်ကျမှရောက်လာတာကြောင့် Park YoungJin တစ်ယောက် သားဖြစ်သူကို အိမ်ဝမှဆီးကြိုကာ ဟောက်တော့သည်။ တစ်မိုးအောက် Park Chanyeol ကို လေသံမာမာနဲ့စီးမိုးပြောလို့ရတာ အဖေလုပ်သူပဲရှိသော်ငြား ခါးကြီးထောက်လျက် မျက်မှောင်တွေကုပ်နေသောအဖေ့ကို Chanyeol ကတော့ရယ်ချင်တာပဲသိ၏။
" တစ်ညလုံးဘယ်တွေသွားနေတာတုန်း အထဲမှာ Soyeon ရောက်နေပြီ "
" ကျွန်တော်မတွေ့ချင်ဘူးလို့ပြောထားပြီးသားပဲအဖေရာ "
" ငါလည်းမင်းတွေ့ချင်ချင်မတွေ့ချင်ချင် ခေါ်မှာပဲလို့ပြောပြီးသားလေ ဟဲ့ရောင် သွားမြန်မြန် "
အဖေကဇွတ်ပြောနေတာမို့ Chanyeol ကျစ်စုတ်ကာ ဧည့်ခန်းထဲဝင်သွားလိုက်ရတော့သည်။
သူဝင်လာတာမြင်တော့ ဆိုဖာဆက်တီပေါ်မှာ ဖုန်းထိုင်သုံးနေတဲ့ Lee Soyeon အမည်ရှိ အမျိုးသမီးငယ်ငယ်လေးက ချက်ချင်းပြုံးပြီး နှုတ်ဆက်လာ၏။
" Chan လာပြီလား "
" အော...နည်းနည်းနောက်ကျသွားတာ တောင်းပန်ပါတယ်နော် "
" အာ ရပါတယ် ခုသွားတော့မလား "
" ကိုယ်ခဏအဝတ်အစားလေးလဲဦးမယ်လေ ရမလား "
" အော် ရပါတယ် သွားလေ ကျွန်မစောင့်နေမယ်နော် "
သေးသွယ်တဲ့မျက်နှာကျနဲ့ လူကောင်သေးလွန်းသော Soyeon က Chanyeol အကြိုက်လုံးဝမဟုတ်ပေ။ စကားပြောချိုသာပြီး ယဥ်ကျေးသိမ်မွေ့တဲ့ ယောက္ခမတွေအကြိုက်ဖြစ်သော်ငြားလည်း ကိုယ့်အကြိုက်တော့ လုံးဝမဟုတ်တာသေချာသည်။ Chanyeol က ကောင်လေးဆို သေးသေးညှက်ညှက် Baby type မျိုးလေးတွေကိုသဘောကျတာပေမယ့် ကောင်မလေးတွေကတော့ ကိုယ်နဲ့မတိမ်းမရိမ်း Lady type မျိုးကိုသာ စိတ်ထဲတွေ့တာဖြစ်၏။ သို့သော် အခုချိန်မှာတော့ လက်ရှိချစ်သူလေးကလွဲရင် ဘယ်သူ့မှသဘောမကျနိုင်သေးပါ။
ကုမ္ပဏီလက်လွှဲတာ ဒီတိုင်းလွှဲလည်းရတာကို အိမ်ထောင်လေးနဲ့မှ CEO ခန့်ခန့်ကြီးဖြစ်မှာဆိုပြီး ဇွတ်မိန်းမယူခိုင်းနေသော အဖေဖြစ်သူကြောင့် Chanyeol လည်း ခေါင်းတွေကိုက်လှပြီဖြစ်သည်။
YOU ARE READING
Paradis sur terre「 ChanBaek 」
Fanfic• I once was a poison ivy but now i'm your daisy 🗽 ______________________ Season - 1 of Paradis sur terre by: slaysakura 16.7.23
