فتاة بخمسه عشر شخصيه
الحلقه [1]
راما: لبست جاكيتها الاسود.... انتم خليتوني هكي خليتوني قاسيه ان قلب اسود غيرتوا كل صفاتي للاسوء... شافت لروحها في المرايه لاخر مره وطلعت.
راما بنت نفس باقي البنات بس يلي يختلف شويه ان مش متحجبه ومتحبش الميكب بس وقت تطلع ايلاينر وروج احمر فقط حتى وهيا في الحوش هكي
مواصفاتها:- شعرها كستنائي قصير عيونها كبار لونهم بني فمها صغير خشمها صغير لون بشرتها حنطيه•
نزلت لحوش جدها بعد ماتلقت نظرات مش حلوه من بنات ونساوين العيله شافتلهم كلهم مره وحده( مسح شامل) وطلعت لسيارتها يلي كان لونها اسود كذالك
يوسف: بعد ماتوفو اهلها قعدت قاسيه
احمد: اها قعدت حياتها ظلام في ظلام
يوسف: بس شخصيه
احمد: مسترجله وتهني على روحها بس معرفتش شغلتها
يوسف: تشتغل في شركه
احمد: كيف صار مش تقرا طب كانت
يوسف: في الصبح جامعه والعشيه خدمه والليل بعد تروح ترقد ولا تقرا منعلمش بيها
احمد: قويه في الليل ترقد امالا شن تبي ادير😂
يوسف: مبردك ماهو عارف اسألتك يلي معش تكمل جاوبت ع روتين اليوم وخلاص
احمد: وانت شن عرفك بهذا كله
يوسف: الروشن متاعها مقابل روشن داري
احمد: مش عيب تشوف للبت
يوسف: منشوفش فيها كل يوم
سمر: عند الباب.. يووسفف
يوسف: هياا
سمر: القهوه مدرتلهاش سكر حطو بروحكم
يوسف: ديما حاجتك ماقصه
احمد: يسمع فيهم.. تي هيا يا راجل
يوسف: خشي هي... هياا جييت
احمد: صبلي راسي بيتفجر
يوسف: كم سكر
احمد: لالا جيبها هكي... في عقله... ساد العسل كله دايرهاا
شربو وهدرزو للمغرب وكل واحد مشى لحوشه
تعالو نعرفكم على عائله بطلتنا العائله الكبيره
عمامها:- يونس *ابراهيم * المنذر* محمد* علي * خالد*
اولاد وبنات يونس:• اسكندر_راكان_رويدا_هويدا_رهف
اولاد وبنات ابراهيم:• عبدالله_مصطفى_ايمن_ايلاف
اولاد وبنات المنذر:• رواد_رحمه
اولاد وبنات محمد:• حنين_رواسي_جوري_جهاد«ولد»
اولاد وبنات علي:• يوسف_مصعب_مؤيد_عمر_حنان_نمارق
اولاد وبنات خالد:• لمياء_لوران_نوران_عزالدين_فؤاد
عماتها:- خلود* سهام*سميره*سمراء*
خلود:• اماني_هاجر_منير_امير
سهام:• منار_رنده_خليل_حاتم
سميره:• ابرار_اسامه_اسلام
سمراء:• موده_بشرى
ختسلمهم الواجدين😂❤
____♡♡♡♡_____
راما في خدمتها
راما: في المكتب... باهي كيف حيصير توا؟!
قيس: معاها في الخدمه وصديقها في نفس الوقت.. البضاعه يلي جايه من تركيا مش حتدخل ليبيا
راما: وليش؟!
قيس: سكروا الحدود
راما: الحدود كلهن؟؟
قيس: لا يلي علي البحر بس
راما: باهي والبضاعه يلي في تونس؟!
قيس: وصلت
راما: وزعتوها على المخازن؟!
قيس: حاليا مخزن الشركه بس
راما: وقفت... تم معناها خليك واقف عليها ودير بالك قطعه او اثنين تطلع بدون علمي
قيس: تمام بس في محل طلب مني
راما: محل تبع من؟!
قيس: متاع سفيان
راما: نضموا بضاعته وعطوها له بس السعر حيرقى
قيس: تم طالعه انتي؟!
راما: اها
قيس: وين؟!
راما: شافتله من فوق لتحت وطلعت
قيس: يحكي مع روحه.. انا غبي وحمار منور هكي توا شافتلي نفس ماتشوف للغريب حمار انا حمار
طلعت راما من الشركه ماشيه للحوش في الطريق رن هاتفها
راما: ايوا
حنان: امتى مروحه
راما: بنبره بارده.. نعم؟؟!
حنان: قتلك امتى مروحه
راما: سكرت على وجهها... ناقصني انا
وصلت لحوشها مش حوش جدها دخلت سيارتها للجنان
راما: واخيرا راحه بعيد عن العيله وهمها... دخلت للحوش يلي كان شبيه بالقصر
ناديه و نيرمين (الشغالات): اهلا مدام كيف حالك مدام
راما: بأبتسامه.. اهلين الحمدلله كيفكن انتن وكلمه مدام معش نبيها
ناديه: الحمدلله.. حاضر واسفه
نيرمين: الحمدلله الاكل جاهز
راما: شي خفيف بالله
نيرمين: حاضر... مشت هيا وناديه المطبخ
راما: مشت لغرفتها لقتها نظيفه وريحتها حلوه فتحت المكتب لقاته غبار عرفت ان ناديه ونيرمين مادخلنش.. الواحد يأمن في الخدم اكثر من العيله.. شافت لصوره باتها وامها وهيا لما كانت صغيره.. خليتوني بروحي وغيابكم خلاني قويه وبنيت حوشي بروحي بعد شغل وتعب وعذاب وعدم راحه غيابكم كسرني بس عرفت ان الطيبه يلي كنت فيها كانت ضعف في نظر الناس ولكن وعد حنرجع حقكم وحنخليهم يتعذبو نفس ماعذبوك ي ماما وحنخليهم يخسروا املاكهم نفس ماخسروك ي سندي يلي راح💔
وعد حقكم حترده بنتكم.. طلعت من المكتب بعد مامسحت دمعتها يلي كانت ع طرف عينها ورجعت نضرتها الحاده
ناديه: مدام الاكل جاهز
راما: شافتلها بنضره حاده
ناديه: نزلت راسها وطلعت من الدار تجري مشت المطبخ... ليا سنين نخدم في القصر هذا معرفتش هيا ليش هكي
نيرمين: باتها وامها توفوا من لما كانت صغيره
ناديه: بس ليش تتواعد لاشخاص انها حتعذبهم؟!
نيرمين: تتواعد لاهلها عائله باتها
ناديه: كيف تعرفي انتي بهذا كله
نيرمين: كنت نشتغل في بيت جدها نعرفها وهيا صغيره بس هيا مش متذكرتني
ناديه: احكيلي علي عيلتها كيف كانت واهلها كيف توفوا
راما: خلف الباب تسمع في كل شي.. هه تحسابني مش عارفتها تي عارفتكم نفر نفر.. رجت لمكانها خذت مفاتيح السياره وطلعت
نيرمين: اسفه منقدرش.. وسرحت في الماضي
فلاش باك
منى: ليش ماقلتولي راه مشيت معاكم
خلود: منبوش كناين
منى: باهي و سالمه مرت ابراهيم مشت
خلود: قلتيها بروحك سالمه مش انتي
منى: انا كني؟
سميره: عارفتينا مانبوك معانا في شي ليش بنكلموك
منى: اها صح نسيت معليش.. وطلعت لشقتها
سميره: هذا كله ومزال ماجابتلنا احفاد
خلود: حاي كان تجيب باتي مايعقب حاجه في السوق ومايجيبها
سمراء: باتي من يومه هكي
خلود: بس الحفيد يلي حيجي ولد عادل
سمراء: انتن ليش تكرهنها
سميره: من لما كانت صغيره عادل معاها هيا اسلوبه حلو ونحنا يعيط علينا ومتطلعنش ومتلبسنش ولا نسيتي
سمراء: قصدي ان نحنا خواته واكيد يخاف علينا وهذا كله من اهتمامه بينا
خلود: مش حنخليها تجيب
سميره: شن حديري
خلود: حنفرق بينها وبين عادل
سمراء: تتسهوكي صاح
سميره: الشي هذا مستحيل
خلود: خلوها عليا بس
༺في الوقت الحاضر ༻
ناديه: وين رحتي
نيرمين: هه قاعده
ناديه: سرحتي من مبكري وانا نحكيلك
نيرمين: مش راقده كويس
ناديه: باهي اطلعي شوفي راما بالك كملت
نيرمين: هي... مشت لقتها طالعه ردت للمطبخ.. طلعت
ناديه: اهممم نحنا معش خذينا حقنا
راما: عند الباب.. اهو حقك
ناديه: رعشت... هه ا ماقصدي شي راه
راما: حتى لو كان قصدك حقك حتاخذيه اهو حسابك ونيرمين هذا حقك حتى انتي
نيرمين: شكرا راما ماعمرك قصرتي
راما: ابتسمتلها.. ولو
ناديه: راما
راما: شافتلها.. انعم
ناديه: صغاري ملو من الحوش يلي قاعده فيه عادي نجيبهم هنا
راما: الحوش حوشكم اصرفو بس مدخلوش عقاب راجل ولا راجل كامل فاهمات عيالكن بس حتى رجالتكن لاا
ناديه: حاضر
نيرمين: وانا نبيك في موضوع
راما: تفضلي
نيرمين: ليش تباني قاسيه قصدي ليا سنين نخدم عندك
راما: نقلبت في ثواني... تعجبيني وانتي دايره روحك غبيه مش فاهمه
نيرمين: نزلت راسها... اسفه
راما: طلعت وخلت ناديه في حيره كيف بنت بكامل وانوثتها تصرفاتها تصرفات راجل؟!
باهي هيا متشبها بالرجال ليش متحبهمش؟!
ليش شخصيتها هكي؟!
وكيف في ثواني معدوده تقعد انسان ثاني؟!
+++++
الحلقه هذي نبذه عن الروايه.
أنت تقرأ
فتاة بخمسة عشر شخصيه(روايات ليبيه)
Fantasyروايتي بأسم {فتاة بخمسه عشر شخصيه} 🤍 اكيد نصدمتو من الاسم 😂 بس حتكون روايه بأحداث حلوه نبدو في التقديم🤍🤍 روايتنا الجديده تتكلم على بنت كانت ام قلب طيب وكانت رقيقه وااجد لدرجه ان على ابسط حاجه تصير دموعها ينزلو بسرعه حتى ع اتفه الحاجات وكانت دلوو...
