#المستشفي
.
.
.
الحلقه التاسعه عشر
.
.
.
انا كنت في الكوافير ومتووتره بكل وكل مره يرن حد يسأل وينك وسقدي وهيا
انا>> اقفللي التلفون
قبس>> خليه مرات يرن منذر
انا>> ييييه صح
قبس>> انا كملت مكياجي بنخش نلبس
انا>> باهي خشي
خشت قبس تلبس وانا كيف كملت مكياج وتسريحه هي طلعت
انا>> مكياجك حلو
قبس>> تسلمي هيا صبي
انا>> هيا هي
وخشيت لبست الفيلو وطلعت
انا>> هيا
قبس>> منذر شوي ويجي رنت عليا توتو قالت لي المعازيم اغلبهم جو
انا>> متوترة بكل وخايفه نحس في روحي مش حايكمل اليوم الا وانا طايحه من طولي
قبس>> غير هيا بس تعوذي من الشيطان وصبي
انا>> استغفر الله هيا
طلعت وماسكه فيا قبس و ركبنا مع منذر وكانت ورانا 3 سيارات اصحاب منذر و يبيبو و انطلقنا شور الصالة
.
.
.
في الفيلا عند الشباب وتحديدا في شقة نادر
محمد> اوووووف
نادر>> اهدا كنك
محمد>> مش عارف يا راجل
الحلاق >> خلاص كملت لك
يوسف>> صبي البس
حسن طلع من الحمام لابس
منصف>> اووووووه
نادر>> ريت لاخر يحساب روحه هوا لي عريس 😑
يوسف بحت في منصف >> عندنا اكثر من عريس اليوم
محمد>> بننزل نلبس انا دبشي لوطا
نادر>> تم حتي انا بنخش نلبس هي هبهبو
منصف>> عليك توزيع 😒
يوسف>> عيني عينك
نادر>> هيا هبهب انت وياه هووني
حسن>> تي باهي 😒
ونزلو كلهم لوطا و نزل محمد خش الداره كان خذا البدله لبسها و بخ عطر و قعد يبحت في المرايه ويسقم في شعره
دق عليه نادر
محمد>>خش
نادر>> ها واتي
محمد>> هيا طالع انا
وطلع برا وكل حد يعزقله كلمه ومحمد متوتر
حسن>> تعال نصورو
وقعدو كل مره يصور معاه واحد ومولعين اغاني بصوت عالي
أنت تقرأ
المستشفى (للكاتبة آيه)
Azione منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
