#المستشفى
.
.
.
الحلقه الثامنه
.
.
.
نادر >> محمد ما رنش نرن عليه ما يردش عليا من مبدري
جمانه>> توا كيف سكرت من نوران قالت لي انه محمد مريض
نادر >> كنه ؟
جمانه>> برد بس غابي فيه محمد دخان وما ياكلش بكل
نادر>> اهاااا تو نعاود نرن عليه نشوفه
جمانه>> باهي هيا ما تبيش توصلني كملت انا
نادر>> تمام هي عدي البسي تو نجيكي
جمانه>> حاضر
.
.
.
نهي مصبيه مقابله حسن بس بعيدة شويا وحسن يهدرز مع ممرض في المستشفى
حسن >> تي ياراجل بلا دراما زايده
الممرض>> تي نرن عليها وما تردش شن ندير
حسن>> باهي وانا شن بندير نعدي نقوللها ردي😂
الممرض >> اوكي علي الحناطه
حسن>> انقني حانط
قدمت نهي
الممرض>> نازل بناكل
حسن>> سم😂
نهي >> احم
حسن>> كنك اتنحنحي
نهي>> شرقت يعني
حسن>> عدي غادي" وشير علي شيشة ميه" هنكي اشربي
نهي >> كنك تنفتر
حسن>> عدي عند الدكتور معتصم ولا انظر من يحكي معاكي كويس
نهي مسكت ضحكتها
نهي >> خلاص تو نعدي انت حر
حسن كان مطبس راسه رفعه وبحت فيها
حسن>> تحقي فيه الكرسي هضا "شير علي كرسي جنبه"ترتزعي فيه و تكملي شغلك
وابتسملها ابتسامة غل
نهي بحتت فيه ورفعة حاجبها وبدون ما تناقشه جت قعمزت حذاه وقعدت تبحت فيه وهوا يشتغل
.
.
.
كنت مكسده بكل ومحمد راقد ونشوف فيه مش متريح في نومته وانا نبرم قعدت وخلاص
قربت منه نبي نشوف حرارته جيت بنلمسه فتح عيونه
انا>> بنشوف حرارتك بس
رد محمد غمض عيونه حطيت يدي علي جبهته لقيت حرارته نازله عاديه بس المرض بدا يطلع عشان هكي تعبان
انا>> جيعان؟
محمد>> لالا منبيش
انا>> بس لازم تاكل
محمد>> خليها بعدين الساعة كم
انا>> 9
محمد>> مازال بدري تو ناكل
أنت تقرأ
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
