#المستشفي
.
.
.
الحلقه الواحده والثلاثون
.
.
.
انا << محمد!
ومعش عرفت شن نقول
محمد << اها محمد
ومرفع حاجبه ويبحت فيا
انا << افهمني قبل ما نتعاركو 😪
محمد<< مش تبي حوش هلك ! خلاص خليك فيه
وبرم سيبني و مشا و انا قعدت في موقف سامط بكل ،وحسيت محمد كبرها و كان شكله متنرفز بكل
معش قدرت ندير شي خشيت نجري جوا
امي<< بسم الله كنك رديتي
انا<< خلوني بروحي
وخشيت سكرت الدار عليا وسلحت ايشربي و مش قادره ندير شي قعدت نبكيييي
.
.
.
محمد
روحت للحوش علي اساس نلقاها فيه
خش نادر يسلم عليهم و خشيت وراه
جمانه<< مش قتلي جاي بكرا
نادر<< كملنا شغلنا كله و خلاص ما عندنا ليش قاعدين
امي << باهي لي الحوش بلاكم مكسد
هما يحكو و انا ندور بعيوني علي نوران
نادر<< تغديتو
امي << لالا تو بنحطو عدي صلي وغير دبشك علي ما جو جدك و عمامك وباتك من الجامع و حطينا
نادر<< هيا جمانه
منصف<< مغير يكركر فيها وراه
نادر<< خليك فحالك 😒
محمد<< جمانه نوران فوق ؟؟
جمانه<< لالا عند هلها
محمد<< اها مشت اتغدا غادي
منصف<< تي لا من امس غادي قاعده
محمد << كيف ؟؟
جمانه وهي راكبه مع الدروج ماسكه في يد نادر<< تي ماهو حصلت غادي شكلها ورنت علي منصف مسكينه ما ردش عليها
محمد<< تمام تو نعدي نجيبها
وطلعت من الحوش ما نحقش في شي بكل
ركبت في السياره وجري شور حوش هلها
الحاجه الوحيده لي نفكر فيها انها دارت ما في راسها ومشتني كاني عيل صغير !
وصلت عند الحوش وقعدت نبحت فيه ننزل نخاف ندير حاجه نندم عليها
قعدت نبحت و دماغي ما يفكرش في شي بكل
نزلت من السياره و رنيت علي الحوش
دقيقه وطلعت
على قد ما كنت مرايف عليها على قد ما اني ما قدرتش نمشيها له خليتها فحوش هلها وروحت
.
.
.
نوران
كنت قاعده علي سريري ونبكي وراسي صداع وكل شويا تدق عليا ماما تبي تعرف كني
أنت تقرأ
المستشفى (للكاتبة آيه)
حركة (أكشن) منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
