#المستشفي
.
.
.
الحلقه السابعه
.
.
.
محمد>> السلام عليكم فيه حجز بأسم مستشفي ال.....
البنت >> اه غرفة 505 تفضل الشاب تو يوصلك
محمد >> باهي؟
البنت >> اي خدمة
محمد برم بحت فيا>> بس انا مش بروحي معايا دكتوره ثانيه
البنت >> لو سمحت خليني نتأكد
وقعدت البنت تكلم و تدور علي الكمبيوتر بعدها بحتت في محمد
البنت>> نعتذر منك ما فيش غير غرفة وحده فاضيه و الفندق زحمه بكل
محمد تنح >> باهي كيف ندير انا واللي معايا نعزقها ؟
البنت >> تقدرو اتقاسمو الغرفه بينكم لانه شوفت عينك الفندق مليان و حجزنالكم الغرفه علي اساس الشخصين مش علي اساس شخص واحد
محمد >> بس لي معايا انا ما نعرفهش مساعدتي في الشغل بس وانا مكلم وحاجز
وقعد محمد يعلي في صوته ويدير بيديه وانا نبحت فيه من بعيد وبعدها برم بحت فيا و مسك شنطته وجاني
محمد >> فيه غرفة وحده عادي تقعدي فيها معايا ؟
انا علي قد ما نصدمت من الخبر على قد ما صدمتني وقاحته
انا >> بس كيف
وقعد محمد يحكيلي شن صار وانا ما بيتش نكبر القصه وكان لوطا زحمه وهرجه بكل وانا ما نتحملش المكانات الزاحمه
انا >> خلاص خلينا نركبو بس وساهل بعدين
محمد >> تمام هاتي لشنطه
وخذا شنطتي مسكها و انا مستغربه من الحنيه لي نزلت فجأة
ركبنا فوق وخشينا للغرفه كانت كبيره اول ما تخشي ممر صغير وعلي اليمين صاله و مقابلها فيه باب في سرير نفرين كبير و حمام جنبه و بلكوني كبير ومافيش مطبخ طبعا
خشينا انا ومحمد وقلبي يدق بكل علي قد ما كنت مش متقبله المشيه معاه وفوقها نقعدو في دار وحده
محمد >> خوذي راحتك طالع تو نجي بعدين
انا >> براحتك
طلع محمد وسلحت ايشربي وخشيت للحمام بحتت فساعه لقيتها 8 خشيت درت حمام سريع وطلعت صليت وجسمي مدقدق فتحت النشطة ومش عارفه شن نلبس 😳 الله يلعنك يا قبس
طلعت التوته السودا علي الاقل واسعه 💔 و لبست جاكة التوته لونها أسود و كان فيه طاقيه واصلا ما كانش جو اني نلبس وشاح في الدار بكل
.
.
.
محمد >>
سيبت نوران في الدار بروحها عشان تاخذ راحتها و تغير دبشها وبعدها مشيت لوطا نسأل علي المؤتمر
أنت تقرأ
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
