#المستشفى
.
.
.
الحلقه الثالثه والثلاثون
.
.
.
انا << تي وينهم !
يوسف << غرفة الحالات الطارئه وين؟
انا<<تي كنها المستشفي فاضيه وين اختفو كلهم
قعدنا نمشو انا ويوسف وبندور حد نعرفه
لقيت توفيق
انا<< توفيق توفيق وين الدكاتره وين نادر وين محمد
توفيق<< كلهم مشو يجرو لغرفة العمليات
يوسف ورايا << شنصار
مشيت بسرعة وما رديتش عليه و ركبت فوق علي طول
لقيتهم كلهم مصبين بحتت لقيت منصف قاعد مصبي و شكله هكي متبهدل
انا <<منصف انت كويس الحمد لله
يوسف <<تي خوفتنا عليك عليش مصبين هنا
انا << محمد وين لحق عليك
منصف ساكت
انا << حسن كنكم شن فيه
حسن<< مافيش شي بس "وسكت
انا << تي بس شنو ؟ احكو محمد وين هو الي فغرفة العمليات؟
يوسف<< احكو ازف شن فيه
منصف<< محمد دار حادث وقاعد في العمليات
خشيت علي طول وما لبستش حتي دبش المستشفي مصدومه من ربع ساعه كان مصبي حذايا كيف خش للعمليات وشن صار!
حسن<< نوران تي وين خاشه
خشيت فتحت الباب لقيت دكتور عمر و نادر ومراد مجتمعين علي محمد ومعاهم ممرضات
انا << شن فيه شن صار
نادر مسكني << نوران اطلعي برا خلي الدكاتره يشوفو شغلهم
وكان نادر متوتر
انا << اطلق يدي وخليني "وفكيت يدي من نادر "
دكتور مراد << نوران اطلعي البسي وعقمي يديك وتعالي
حاولت نقعد قويه خذيت نفس و مسحت دموعي وطلعت لبست دبش العمليات و حطيت الكمامه وعقمت يديا وخشيت
انا بصوت مخنوق << شن حالته
دكتور عمر << نزيف في الانف وضربة جايته علي الراس سببت له في فقدان الوعي و في حديده وقت الحادث خشت في بطنه و هي لي قاعدين نطلعو فيها توا بس ......وسكت
انا << بس شنو حا يموت يعني ؟ بيمووووت حد فيكم يرد عليا نادر قوله يرد عليا
وقعدت نبكي
دكتور مراد ما ردش عليا وكمل باقي العملية
دكتور عمر<< نادر طلعها برا ما يسير شي هكي
طلعني نادر برا و مسكني حسن ومنصف قعمزت
حسن<< خلاص يا نوران مش حيدير فايده لي اديري فيه
وانا ما نسمعش فيهم بكل ما فيش في بالي غير محمد لما قالي وعد معش نخليكي تبكي وعدني ما يسيبنيش وعدني وانا مش حنسيبه
مسحت دموعي و رديت عقمت يديا و خشيت للعمليات من جديد
.
.
.
في الفيلا
جمانه<< ماحدش يرد عليا
أنت تقرأ
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
