المستشفى (للكاتبة آيه)

13

#المستشفى
.
.
.
الحلقه الثالثه عشر
.
.
.

محمد>> خير يا جدي كيف حالك؟

جده>> خير خير تعال

محمد>> باتي وين ؟

جده>> باتك نا لزيته عشان نحكو وحدنا

محمد>> يستر الله

وطلعو يتمشو في الجنان

جده>> انت عمرك توا 28 سنه وصح مانكش كبير لكن انت بذات نبي انتهني عليك ونتريح عليك انت ويوسف بذات كلا لخرين عارفهم |عارفها الحياه مش جواز وبس لكن لازم تكمل نص دينك و ضنا عمك لخرين كلهم عارفهم موفقين بين شغلهم و حيشانهم و لي مازال ما اجوز عارفه تو يوفق بينهن كلا انت يا محمد شغلك وبس عطيت شغلك اكثر من حقه وجا وقت تعطي روحك فرصه

محمد>> وهضا لي جاي نحكيلك فيه حتي انا نبي نخطب و نبيك انت تختارلي وحده

جده >> لالا انا ما نحب نختار الحد ولا نبي نختار الحد انت اختار و انت بروحك تعرف نصيبك اكيد فيه شي وحده هك ولا هك

محمد>> لا والله ما فيه كان هضا را قتلك نبي وحده علي طول

جده>> افتح عيونك زين نصيبك مرات يقعد قاعد قدامك لكن ما تشوفش فيه

محمد ضحك >> خلاص تو نشوف

جده>> استعجل بس ما تقعدش اتماطل فيا وكل مره تمشيني

محمد>> لا اطمن عطيني اسبوع بس و يسير خير

جده>> باهي ربي يفرحني بيك

محمد>> ان شاء الله

وطلع محمد من حذا جده وقعمز يفكر في كلامه وكان مطبس راسه وماسك دخانه ويدخن جت صبت عند راسه هند عمته

هند>> حميدا

محمد رفع راسه ومسح علي شعره>> تعالي قعمزي

هند>> في شنو كنت تفكر

محمد>> في الشغل والله رايح ضغط بكل من بعد ما سيبونا نادر و جمانه

هند>> حي ما سمعتش بكرا مسافرين تركيا ومروحين بعد اسبوعين و يوسف ووفاء ماشيين مشرق بعدين مصر

محمد>> اووووو مشاء الله ربي يهنيهم

هند>> ان شاء الله وعقبال ما نفرح بيك

محمد>> ان شاء الله

.
.
.
ثاني يوم في المستشفي

حسن جا وكانت نهي مقعمزه علي الكرسي
جا حسن وسلح جاكته وعزقها علي الكرسي و ما حكش ولا كلمه

نهى>> صباح النور

حسن>>.....

نهي>> حسن حسن