#المستشفى
الحلقه الخمسون
و الآخيره ❤
.
.
.
بعد مرور سنه
محمد << اسيل حبيبة بابا وين ؟
انا << اهياه 😂 هيا را تأخر علي العصر اكيد كلهم في الجامع
محمد باس اسيل وخش يلبس
انا << اسيلللل تعالي لي هنا نلبسك
جتني تجري
خش محمد<< كويس هكي
انا<< سمح بجميع حالاتك
محمد ضحت>> شن تحسي روحك اليوم ؟
انا<< الحمد لله
محمد باسني علي راسي << خلاص انا نازل اكيد منصف يحرق
انا<< خلاص عدي نلبس اسيل وننزل
محمد<< تمام
ونزل محمد
وقعدت نبحت في اسيل كيف تلعب
مش متخيله روحي قعدت ام والايام يجرن هكي وقاعده حامل فالثاني
لبست اسيل و خشيت لبست ونزلت انا وياها
وكان اليوم فاتحة حلا و منصف
جتني حسناء تجري << عطيييييهاااا ليييياا
انا<< رد بالك را تكسر شي حاجه رايحه متعلمه المشي اي حاجه تمسك فيها
حسناء << خليها تكسر 😂 جيبيها بس
عطيت اسيل الحسناء و مشيت للصالون لقيت البنات ملتمات وحلا لابسه ومقعمزه و حذاها البنات يهدرزن
جمانه ماسكه ولدها احمد عمره ثلاث شهور ❤ و مقعمزه
انا << ادومي وين غريبه سيبك
جمانه<< خذاه معاه نادر للجامع سادني احمد انا
انا<< ربي يخليهم لكي
جمانه<< عارفه قاعده علي اعصابي كان ما نحمل للمره الثالثه
انا<< 😂😂
وقعدنا مقعمزين خشت علينا هنده ووجها تعبان
انا << كنك ؟
هنده<< شي
جمانه<< را تطلعي حامل
هنده ضحكت << مانحسش حمل بعدين فرصة حملي ضعيفه بكل بعد ما طيحت المره لي فاتت
جمانه<< باهي درتي تحليل ؟
هنده << لا ما درتش و يقولي حسام عادي انا عندي بنت ما نبيش عيال بس انا نبي الروحي
انا << بطلي تفكير بس وخليها على ربي صدقيني كل شي ح ينحل دكتوره سالمة تراجع معاك كويسه بكل
هنده هزت براسها
ونحن نهدرزو هكي رن تلفون جمانه وكان نادر وقاللها قرينا الفاتحه
واكثر وحده كانت فرحانه طبعا حلا 😂كانت تحسب فالايام عشان اتخرج و تطلع عرسها بعد بهدله وحب و اعصاب هي ومنصف
كملنا حوستنا لوطا و ركبت فوق مع اسيل غيرتلها دبشها و حطيتلها علي رسوم اتفرج
وخشيت انا غيرت دبشي ولبست بجامه
خش محمد قعد يلعب في اسيل
انا<< نديرلك عشا
محمد<< لالا شبعان
انا << باهي صحه ، اسيل رقدت ؟
محمد<< اها
انا<< حطها في دارها
محمد<< تمام
حط محمد اسيل في دارها وجاني ولقاني نمشط في شعري
محمد<< نحس في روحي تالف بكل وبكرا مستشفي
انا << بكرا بتجي قبس للمستشفي
محمد<< وحتي يوسف
انا << واضحه بكل 😂😂
محمد<< مش مصدق انهم انخطبو رسمي
انا<< يوسف اكبر من قبس بواجد بكل ومحوتك هلها وافقو لكن الحمدلله نحس فيهم لايقين البعضهم بكل
محمد << ومنصف خويا الطايش قعد راجل حلا رسمي وعرسه قريب
انا << و نهي و حسن عرسهم بعد شهر
محمد << تغيرن حاجات واجد في السنه هذي
أنت تقرأ
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
