#المستشفى
.
.
.
الحلقه التاسعه
.
.
عصام>> يا دكتور من مبدري خشت
محمد >> هي اول بطن؟
عصام>> لا عندي بنت حي علمه البنت سيبتها فلحوش
وطلع التلفون و رن علي منذر📲
عصام>> ايوه
منذر>> تي نعم
عصام>> راقد تي نوض سيبت البنت فوق راقده بروحها
منذر>> تي راقده شن يبي يسيرلها ؟
عصام>> تي اركبلها اكيد وعت و تعيط نزلها امك كرعيها ما تقدرش تركب فوق
منذر >> استغفر الله الحوش لي ما يعرف حد يرقد فيه هيا اوكي راكبلها توا
.
.
.
لما كان عصام يحكي بتلفون انا كنت متكيه علي الساس سانده روحي ونبحت فيه من بعيد جا محمد شوري
محمد>> خير
انا>> اهلا
محمد>> كنك ما جيتيش اليوم تحسابيها مستشفي ب اسمك؟
وكان مصبي مقابلني و يحكي وهوا مطبس علي التلفون
انا >> اولا منحبش حد يحكي معايا وهوا ما يبحتش فيا وانت ديما ادير في الحركه هذي و ثانيا انا عندي ظروف
محمد>> اولا انا ما قتلكش شن تحبي عشان نديره وشن ما تحبيش عشان ما نديرش و ثانيا عندك ظروف رني واعتذري مش هيدقا هي
جيت نبي نحكي جت جمانه
جمانه>> شن صار ما طلعتش
انا >> مازالت لها ساعه توة
جمانه>> ان شاء الله خير
انا >> بنعدي نلبس انا دبش المستشفي ونخش عليها
جمانه>> تمام
جيت نبي نمشي كرتني جمانه من يدي
جمانه>> باكيه انتي ؟
انا طبست راسي
جمانه> ...محمد؟
انا هزيت براسي لالا
جمانه>> احكي شني صاير
انا>> تو نحكو بعدين خليني نشوف الوليه توا
جمانه>> مش ناسيتها راه عدي توا
انا >> تمام
.
.
.
منذر >> هما يضنو ونحن نعانو
كان منذر في شقة عصام و الساعه كانت 2 في الليل
منذر يعيط مع روشن المنور>> يميييي يا امي
امه>> تي كنك
منذر>> ضنوة ولدك ناضت تعيط
امه>> البنت فوق تي جيبها نزلها
أنت تقرأ
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
