#المستشفى
.
.
.
الحلقه الرابعه والعشرون
.
.
.
نضت ثاني يوم الصبح لقيت روحي راقده قريب من محمد انا نذكر اني قتله قرب مني وخشيت فيه ماجانيش زهايمر نذكر رغم اني كنت نعسانه
بس اللي مش فاهمته ان محمد كان لابس كنه تيشرته محول شن فيه !حي علي امك يا نوران شن صار و كيف صار استغل مرضتي واني نعسانه ولا شن فيه 😭
نطيت من السرير وسيبته راقد في عز نومه خشيت للحمام درت دوش دافي عشان نتريح
طلعت لبست و نشفت شعري و قعمزت في الصاله ونعصر في دماغي نذكر شن صار امس
.
.
.
#محمد
بعد امس و نوران وكيف رقدت عندي كنت حاس اني متريح بكل
نضت في الصبح بحتت ما لقيتهش حذايا فطنت الروحي مش لابس تيشرتي من فوق ....قعمزت علي السرير بحتت جنبي لقيت باكو الدخان علي الدرج خذيته وولعته مازلت حتي وجي ما غسلته وطلعت للصاله ندور في نوران
محمد<< صباح الخير
انا<< البسسس دبشك 🙄
وبرمت وجي ما بيتش نبحت فيه
محمد ضحك
بحتت فيا نوران ورفعت حاجبها<< فطرت توا انت عشان ادخن حتي وجك ماغسلته
وصبت فكت من فمي الدخان
محمد<< كم مره قتلك الدخان معش تفكيه مني و اي حاجه نقعد ما سكها معش تفكيها مني
وقعدت نقرب منها نبي نفك الدخان وخرت لصقة في الساس
نوران <<قسما بالله تقرب يا محمد نحط الدخان في فمي وندخنه انا
خلاص معش نعاودها لكن توا خش دوش و صلي عشان نفطرو جيعانه امس ما تعشيتش
قعدت نبحت فيها وهي مرفعه الدخان و حاطته قدام فمها
محمد<< حطيه قدامي توا في الكناسه هيا
طفاته بالميه وعزقاته<< خلاص هه عزقته خش
محمد<< ايوه
نوران<< عدي توا دوش وتعال نبي نفهم منك حاجه
محمد<< باهي
عرفتها تبي تسألني شن صار امس فا قررت نحرقلها دمها خشيت ندوش وانا نفكر فطريقه نحرق بيها دمها
.
.
.
في المستشفي
من بعد اعتراف حسن البنت انصدمت وصبت تجري ومعش عرفت شن ادير وهربت منه | ومر اليوم ونهي ما تلاقتش مع حسن الا ثاني يوم
حسن << صباح الخير
نادر<< صباح النو| الدكتور مراد جامعنا كلنا بعد بكرا طاقم الشغل الرئيسي كله
حسن<< شكله يبي يحكيلنا علي الشي لي شاغله له فتره
نادر<< شكله اها قال بعد بكرا عشان محمد ونوران يجو
أنت تقرأ
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
