المستشفى (للكاتبة آيه)

29

#المستشفى
.
.
.
الحلقه التاسعه والعشرون
.

.
محمد<< لو قتلك ما فيش مشي ؟

انا << نكلم منذر يجي ياخذني في الاخر بكل ماشيه حرجانه مش محتاجه اذن منك
محمد<< اه تاخذي اذن عشان راجلك
انا<< محمد كذا ما تسيبش الموضوع الاساسي وتقعد تركز في الكلام الفاضي لاخر يعني سيبت الموضوع كله ومسكت في من يبي يشيلني مش موضوع نمشي حتي بروحي

وصبيت سلحت جاكتي لاني كنت نحكي وحميت بكل و لفيت شعري فوق وما نفطنش الا المحمد جا جنبي

محمد بصوت واطي<< تذكري الطلب لي قتلك بنطلبه منك من قبل في البحر ، خلاص خليك ما تمشيش

انا << محمد عليش ادير هكي انا تعبت شهرين معاك وانا بين نحبك وبين نكرهك معش عرفت كيف نصرف معاك
محمد جا قعمز حذايا << تبيني ولا لا ؟؟؟
انا << محمد حول
وقرب مني و زاد قرب اخرا<< خلاص عرفت الجواب
وجا يبي يصبي مسكته من يده >> وين ماشي ؟
محمد<< من قالك ماشي المكان بنطفي الضي بس

وصبا طفا الضي و جا عندي

.
.
.
في الفيلا عند حلا

علي طول اول ما خفت الهرجه صبت للحوش عشان تكلم منصف وتراجي فيه يرن

حسناء<< وين ماشيه ؟؟
حلا<< نعست تعب اليوم
حسناء<< كسدي وتو ساعه ونعدو مع بعضنا
حلا<< لا والله علي ما غسلت وغيرت دبشي
حسناء<< باهي تمام بنقعد مع رنا ورهام انا
حلا << باه ...تصبحو علي خير "وطلعت"
هنده<< بشويا عليش تجري

وهي طالعة شافت منصف مقعمز مع شباب العيله

منصف<< تي محمد مش قال شويا وننزل
نادر<< بلكي رقد راه له اسبوع هوا ومراته يتعبو بكل مناوبات في جرت بعضهن
منصف<< اها ربي يكون في عونكم
نادر <<ان شاء الله
منصف<< خلاص حتي انا نصبي بنخش ندوش ونرقد
يوسف<< الساعه 12 حتي انا بنخش نرقد
نادر << خليك انت نبيك
منصف<< تم انا تصبحو علي خير

وصبا منصف علي طول عشان يكلم حلا

يوسف<< بتحكي في نفس الموضوع صح؟؟
نادر<< اها في نفس الموضوع
يوسف<< ياراجل والله فوتوني اجوزت وماتريحتش وخلاص انتهي المووضوع
نادر<< جدك ما يعلمش مازال؟
يوسف<<لالا بس تو يعلم لكن مش توا عشان مريض
نادر<< تمام باهي براحتك بس فكر كويس
يوسف<< خلاص طلقت كان شي نجوز مره اخرا
نادر<< ليش لأ
يوسف<< روح ياراجل عدي المراتك ريحني
نادر<< راكب حتى ان

.
.
.

ركبت حلا علي طول غيرت دبشها ومسكت التلفون رن عليها منصف اول ما خش

حلا <<الو
منصف<< طولتي ما تردي علي اساس ما كنتيش تراجي فيا
حلا<< نصكر راه
منصف<< عليك حصله شنجوك
حلا<< تمام وانت؟؟
منصف<< الحمد لله شن درتو اليوم؟