المستشفى (للكاتبة آيه)

25

#المستشفى
.
.
.
الحلقه الخامسه والعشرون
.
.
.

ثاني يوم

محمد<< نوران نوران نوضي الساعه 8 هيا راه بيمشو للبحر الساعه 10

انا بحتت لقيت روحي مازلت راقده في الصاله هزيت براسي وصبيت خشيت للحمام

طلعت لقيت محمد مش قاعد في الحوش عرفته نزل يشوف فيهم لوطا

خشيت للمطبخ درت قهوه المحمد ودرت نسكافيه ليا وخذيت كبايتي و خشيت الداري طلعت شنطة صغيره حطيت فيها لبستين ليا ولبستين المحمد و منشفين و واقي شمس وحطيت مشط و عطر وشوي حاجات
ورنيت علي محمد

انا << الو
محمد<< نعم
انا<< بنباتو ولا شنو معش عرفت نزيد دبش ولا انقص
محمد<< بايتين يومين بس جمعه وسبت عشان الاحد مستشفي سادنا من الاجازات خلاص
انا<<تمام اركب اشرب قهوتك
محمد<< شويا بس نشوف يوسف ونجيك
انا << تمام باهي

سكرت من محمد وبحتت لقيت قبس مش فاتحه نت

قعدت نشرب في نسكافيه و نرتب في الدبش و بعدها قعدت ندور علي لبسه نلبسها توا
.
.
.
عند محمد ويوسف

محمد<< وين مراتك ، قالت هنده عدت لهلها لها يومين

يوسف<< مدامك عارف عليش تسأل😒

محمد<< نسأل شن سبب مشيتها الهلها نعرف يوسف الصح ما يخليش مراته تبات برا الحوش

يوسف<< لما تقعد مراته محترمه نفسها و محترمه غيرها ساهل

محمد<< تي شن صار بينكم؟

يوسف<< شي ياراجل خلاص معش نبيها

محمد<< تي مش كنت تقولي خوذني انا مثال وانا حبيت وفاء و انا كنت ما نبيهش

ورد عليه يوسف بنفس الرد لي رداته وفاء علي عزيزه <| انا ووفاء حبينه بعضنا عشان ما كنش نعرفو اطباع بعضنا هي كانت هاديه وانا كنت هادي و ما كنش واخذين علي بعضنا واجد حبينا بعضنا بالهدوء هضا لكن الزواج مسؤوليات وهي عقلها صغير ومازال تفكيرها صغير من كل كلمه دايره موضوع بانن العيوب والسلبيات لي انا ما نتحملهنش وهي ما تقدرش تعيش بلاهن انا ما نقول اني انسان كامل الكمال لله لكن حتي هي مش مساعده بكل حبيتها يشهد ربي عليا وما كنتش ناوي نظلمها ولا ندير معاها حاجه شينه لكن هي مش حاطه عقلها في راسها

محمد<< والله مش عارف ما نقولك ربي يقدملك لي فيه الخير ... بس يعني توا بتسيبها في حوش هلها هكي

يوسف<< بيني وبينها عبسي نمشي نقوله ما فيش نصيب وندزلها ورقتها بهدوء

محمد<< تحساب جدي يمشيها بساهل؟ حتي كان جدك مريض ومش كيف قبل لكن ما يسكتلكش

يوسف<< باتي خليه شوري نطلقها خير ما نعيش انا وياها كل يوم مشكله

محمد<< يا سيدي ربي اييسر امورك