المستشفى (للكاتبة آيه)

21

#المستشفى
.
.
.
الحلقه الواحده والعشرون
.
.
.
نهي >> اوف
وبحتت في التلفون و داراته صامت وبرمت تبحت من القزاز
حسن قعد يبحت فيها كيف ما ردتش عليه قعد شويا وتردد يمشيلها ولا يسيبها شوية هكي وعدالها
حسن>> صباح الخير
نهي ارتبكت >> صباح لنور
كر حسن كرسي و قعمز
نهي بحتت فيه
حسن>> كنك من عند الصبح قالبه وجد؟
نهي>> لا شي غير تعبانه
حسن غمزلها >> زي المرضه هذكي؟
نهي>> حسن
حسن ضحك>> والله كنك
نهي بحتت فيه>> ما في شي والله هكي بنقعد مع روحي شويه
حسن>> انا شبه عرفت شن فيه بطلي تفكير اطفال وخوذي قهوتك وصبي نطلعو برا
نهي انصدمت>> كيف شن فهمت😳
حسن>> اللي جت في بالك توا خلاص متفكريش بس وخلي كل شي يمشي بروحه
نهي عرفت انه حسن فهم ان هي مضايقه من موضوع أمس هزت راسها و خذت قهوتها وطلعت هي وياه يتمشو برا
.
.
.
في الفيلا عند حسناء وحلا و هند عمتهم
حسناء>> حلولا من جدك تحكي ؟؟
حلا >>تي كنكم معايا ؟؟
حسناء>> بس انتي مش عارفه روحك شن تبي😕
هند>> حلا ما تسرعيش ارجوكي
حلا>> اوهووو علينا تو انا قتلكم ان فيه شاب عاجبني و بصدفه جا اليوم في الجامعه وحكالي وقالي عاجبتيني وبنكلم هلك وين الموضوع ؟؟
هند>>باهي ومنصف؟
حلا>> علي اساس انا ومنصف نموتو في بعضنا ؟ تي مش شايلني من ارضي ولد خوك
هند>> استغفر الله العلي العظيم كيدك علي روحك كان قدرتي بس نحن نحكولك عشان ما تندميش بعدين بعد يقعد كل شي جدي
حسناء>> ايوه بزبط بعد يجي ويخطبك ويقعد كلام رجاله معش فيها مهرب بعدين كلنا عارفين كيف تحبي منصف وياما درتي عشان عدا وسافر
حلا >> كنت 🌚وكيف ما كنت نحبه خلاص معش نحبه وبعدين حتي كان مازلت نحبه هوا ما يبادلنيش نفس الشعور
هند>> بدليل القفطان اللي جابه لكي
حلا>> عادي وين الموضوع خلاص فوتن الموضوع
حسناء>> رد بالك بعدين تجيني تشكيلي
حلا>> لالا اطمني😒
.
.
.
عندي انا ومحمد
خشيت قعدت نوتي في الدبش ومحمد نسمع فيه ولع دخان 😑😑 شوي هكي كمله وجاني
محمد>> كملتي دبشك؟
انا>> لالا مازال بنقعدو 10 ايام قتلي صح
محمد>> ان شاء الله لأنه لازم نردو للمستشفي حايسين
انا>> رايفة عليهم بكل
محمد>> حتي انا والله
انا في عقلي امس كنت عندهم 😒😒
طلع محمد صاكو صغير حط فيه كم لبسه
انا>> خلاص عدي قعمز تو نكملك انا المهم حطيت الدبش
محمد>> باه
نحسابه بيطلع قعمز علسرير اتكا وولع اللابتوب قدامه وقعد حذايا وانا نتوتر بكل لما نكون انا وياه في نفس المكان 😭
حطيت دبش عرمت عرم😂 لاني منعرفش وين ماشيين بر ولا بحر ولا شنو وفي نفس الوقت ما بيتش نسال محمد تو يقول سكانه😒 منشف و كم حاجه ليا عطور وكريمات
وجيت عند شنطة محمد حطيت باقي حاجته ومنشفه وسكرت الشناطي و مشيت عند الزيانه خذيت دزدان حطيت فيه مكياجي و كم حاجه وحطيتهن في شنطة اليد
انا >> واخيرا كملت
قعمزت في السرير حذا محمد و رفعت شعري فوق التفتت لقيت محمد يبحت فيا
انا >>كنك نسيت حاجه ما حطيتهش لكي ؟
محمد>> لالا ما نسيتي شي بس اطلعي شويا
انا>>نعم؟
محمد>> نبي نغير دبشي
انا >> باهي
<<محمد >>
كانت نوران تبرم حذايا وتلم في الدبش وحايسه وانا كنت دروحي فاتح اللابتوب حذاها ما بيتش نربكها ونقعد نبحت فيها عارفها اتوتر لما نقعد نبحت فيها
كنت نبحت فيها من تحت التحت وهي تحط في تيشرت وطلعه و تحط توته واطلعها وتحط وحده اخري وكل ما تمسك حاجه لها تبحت فيا متحشمه تبي تشوفني شفته ولا لا😂😂😂
لعند ما قعمزت حذايا شويا ورفعت شعرها فوق قتلها اطلعي نبي نغير دبشي ماكنتش نبي نغير دبشي بس مش عارف ليش كنت نبيها تطلع من الدار وخلاص
بعد طلعت دق الباب طلعت نفتح
رنا >> أمسك وانت مبهدلنا في جرتك
محمد>>امي هزباتك😂
رنا>> عارف يعني 😒
محمد>عارفك لسانك طويل
رنا>> باه والله ما في غدا تو ننزل بيه لوطا نقوللهم محمد ما يبيش
محمد>> تي تعالي هنا جيعان😂
رنا>> قول اسف يا احسن بنت عم
محمد>> رنا 😠😠
رنا>> خلاص خلاص 😂😂😂 هاك هاه
محمد>> انتي وتوأمك ما تجن الا بلعين الحمرا
رنا>>😝😝
.
.
.
وفاء ويوسف
وفاء >> حبيبي مازلت عند وعدك تبي تشيلني صح
يوسف>> حاضر باهي