الاب بمقاطعه : أنا قولت اللي عندي كتب الكتاب الاسبوع اللي جاي
رهف انصدمت مما سمعته من والدها أيعقل أن أتزوج احد لا اعرفه طباعه ولا احبه كما تمنيت ودلفت الي غرفتها والدموع تنهمر بغزاره من عسليتها .
فجاه رن الفون بتاع رهف وكان المتصل صحبتها وصديقه طفولتها الهام فهما معا منذ الطفوله حتي أن حلمهم مشترك فهو كان الالتحاق بكليه الهندسه
رهف بدموع :الو
الهام بخضه :مالك يا بت يا رهوفه مال صوتك بتعيطي لي فيه اي
رهف بدموع :بابا عاوز يجوزني فهد
الهام بصدمه :بتقولي اي
سردت لها رهف الحوار الذي دار بينها وبين والدها دون انقاص شى او اضافه شئ
الهام : والله مش عارفه اقولك ايه يا رهف بس انا زعلانه خااالص انك مش هتيجي الجامعه وان حلمك هيضيع حاولي تتكلمي مع باباكي شويه تاني ممكن يتفهم الموضوع و.......
رهف بمقاطعه :انتي عارفه بابا يا الهام مش بيحب حد يعارضه في قرار خده ومش بيسمع مني حاجه
الهام : أن شاء الله اللي فيه الخير يقدموا ربنا سلام علشان ماما بتنادي عليا سلام
رهف بدموع :سلام
ثم أغلقت الخط وأخذت تبكي حتي غلب عليها النعاس والدموع تملئ مقلاتها .
في صباح اليوم التالي في الشركه بتاعت فهد
فهد :أنا هتجوز الاسبوع الجاي يا رشاد
رشاد بضحك :ياعم هزر معايا في حاجه غير كده
فهد : وانا من امتي بهزر معاگ يا رشاد انت عارف مفيش هزار في مواضيع زي دي
رشاد بصدمه :انت بتتكلم جد هتتجوز مين اوعي تكون بوسي بنت عمك هيا رجعت من السفر ولا اي
فهد :لا مرجعتش ومش هيا أنا هتجوز رهف اخت مروه الله يرحمها علشان هيا اللي تربي العيال لأن البنات بيحبوها جدا مش اكتر من كده
رشاد بصدمه اكبر :رهف بس حرام عليك دي لسه صغيره وتعمل مستقبلها والبنات حمل كبير عليها
فهد :أنا مجبرتش حد هيا لو مكانتش عاوزه الجوازه دي كانت رفضت لاكن هيا وافقط وكتب الكتاب الاسبوع الجاي متنساش تيجي ويلا اطلع بره علشان عندي شغل وانت روح شوف شغلك
رشاد بيتحرك نحو الباب وهو غير مصدق ما سمعه من شويه لأن رشاد يعرف جيدا أن صاحبه بعد وفاة زوجته كان يرفض فكره الجواز تماما
رشاد في نفسه :ياارب رهف تقدر تنسيك الوجع اللي في قبلك." اللي سببه موت مروه الله يرحمها التي كان يعشقها " ثم ذهب رشاد الي عمله .
_________________________
في قصر لا يليق به إلا كلمه الفخامه قصر فهد المنياوي
ام فهد سردت لجنات ابنتها كل ماحدث ليله البارحه
جنات بفرحه :الحمد لله يااارب يا اخويا يا حبيبي ترجع زي زمان ربنا يهنيك ويسعدك ياارب
ام فهد :أن شاء الله كل حاجه تتصلح رهف بنت جميله ومودبه وان شاء الله يحبها مع الوقت .
جنات :يااارب يا ماما يلا بقا سلام علشان راحه الكليه بتاعتي اصاحبي مستنيني باي
ام جنات :ربنا يحميكو ويسعدكم طول العمر ياارب انتي واخوكي .
________________________
ملاك وملك في غرفتهم
ملاك تقول لملك :هو احنا ليه مش عندنا ماما زي أصحابنا في الحضانه هيا راحت فين مش هترجع تاني
؟
ملك :مش عارفه انا ماما وحشتني اووي وعاوزه اروح عندها
كانت جدتهم أم فهد ماره من ام غرفتهم وسمعت الحديث الذي دار بينهم وزرفت الدموع من عينيها ع حال الطفلتين سرعان ما مسحت دموعها ودخلت غرفتهم وعلي وجهها ابتسامه
ام فهد :اذيك يا ملك انتي وملاك عاملين اي
ملاك وملك في صوت واحد الحمد لله يا تيته
ام فهد :عارفين هقولكم حاجه حاجه هتبسطكم اووي عارفين اي
ملاك وملك :قوليلنا يا تيته بسرعه
ام فهد :عارفين هنجيب خالتو رهف هنا القصر علشان تعيش معاكم و ...
ملاك وملك في صوت واحد :ههههييييي
ملاك : انا بحبها أوووي
ملك : لا أنا بحبها اكتر منك علشان هيا بتلاعبنا
ام فهد :طيب خلاص متتخانقوش انتو الاتنين بتحبوها يلا بقا انزلوا أإفطرو الفطار جاهز فالجنينة
ملك وملاك :حاضر يا تيته
________________
مر اسبوع علي ابطالنا وجاء يوم كتب الكتاب
يتبع
البارت الجاي
عاوزه تفاعل كتير علشان انزل البارت التالت بسرعه
شيرو الروايه لاصحابكم فضلا علشان استمر
أنت تقرأ
تزوجت زوج اختى
Romanceيشاء القدر أن يغير الحياه بلحظات قليله فتكون الحياه سايره مثل ما يرام ولكن تاتي الرياح بما لا تشتهي السفن٠ قصتنا هتكون مختلفه عن أي روايه قرأتوها قبل كده هتكون من نوع خاص مزيج بين الدراما والغموض والتشويق والحب والقسوه والحنان والفاكهه دي اول روايه...
