تزوجت زوج اختى

بارت 16

وصلنا في البارت اللى فات
فهد بنبره حاده وهو طالع : رهف بعد ما تخلصى اكل حصلينى على المكتب عايزك .

رهف : ماشي

وتناولوا الجميع الغداء واستأذنت رهف من الجميع لكى تذهب لفهد  المكتب .

رهف قدام مكتب فهد قبل أن تدق الباب

رهف لنفسها : اجمدى كده يا بت يارهف وخليكى قويه منك لله يا بت يا الهام انتى ونصايحك اللى بتجيب ورا دى .

دقت رهف الباب ودخلت عندما إذن لها

فهد  وهو جالس علي مقعد مكتبه : تعالى

دخلت رهف وجلست أمامه

رهف : نعم عاوز ايه يا فهد

فهد بضيق : بصي على لبسك  وانتى تعرفى

رهف بخبث بصت على لبسها ثم قالت : ومالو لبسى ما شكلو حلو وشيك اهو.

فهد بغضب اكتر : انتى بتستعبطى ولا اتجننتى ولا ايه حكايتك ومن امتى أن شاء الله وانتى ده كان نظام لبسك

رهف : من انهارده ده هيكون لبسى

فهد : اللبس ده ميتلبسش تانى أن شوفتك كده تانى هزعلك

رهف بغيظ : وليه أن شاء الله ملبس كده ما بوسى هانم بتلبس اوحش من كده وانا عمرك ما قولتلها لابسه كده ليه اشمعنى أنا يعنى

فهد بضيق  : اولا بوسي مش مراتى علشان اقولها تلبس ايه ومتلبسش ايه انما انتى مراتى

رهف : على الورق مراتك على الورق وخليك فاكر أن انت في  اول يوم جواز  قولتلى أن كل واحد فيا  حر  في حياته  وكل واحد يعمل اللى عاوزه ومحدش يتدخل في حياة حد  ولا انت نسيت

فهد : رهف أنا ادينى بقولك يا رهف مشفكيش بالبس ده تانى

رهف : لا هتشوفي علشان أنا البس اللى على مزاجى ثم أنا قاعده فالبيت مطلعتش بره يعنى ومفيش حد غريب

فهد بغيره : لا والله وبالنسبه لمروان اللى قاعد بره ده ايه مش شايفاه ولا ايه . اللبس ده ولا يتلبس  فالبيت ولا غير البيت انتى فاهمه

رهف  بغيظ : لا يافهد انت ملكش دعوه بيا أنا أعمل اللى أنا عاوزاه أنا مش صغيره ومتنساش أن احنا جوازنا فتره بس وكل واحد فينا هيروح لحاله  وفي الفتره دى ياريت كل واحد ميتدخلش في حيات التانى عن اذنك

وغادرت رهف المكتب وتوجهت لغرفتها

عند فهد في المكتب

فهد بتفكير  لنفسه  : وانت مالك يا فهد ما تلبس اللى هيا عاوزاه انت مضايق كده ليه يعنى انت فاكر أنها هيا مراتك بجد وبعدين دى لسه صغيره واكيد عاوزه تعيش حياتها كفايه انك بهدلتلها حياتها وان هيا فالسن ده ومتجوزه وملزومه من طفلتين أهدى يا فهد